Açiq mənbələrdən foto.
Xaçmazda narkotik maddə alverçilərindən 1,5 kiloqram heroin və 6,5 kiloqram marixuana götürülüb
Bakı/17.01.23/Turan: Yanvarın 17-də Daxili İşlər Nazirliyinin mətbuat xidməti bildirib ki, Xaçmaz polisi əməkdaşlarının narkotik maddə alverçilərinə qarşı keçirdiyi əməliyyat zamanı yerli sakinlər Sergey Yudin və Elmar Sirakov saxlanılıb. Baxış zamanı onların avtomobilində təxminən 6 kiloqrama yaxın marixuana, 1,5 kiloqram heroin və 98 qram metamfetamin aşkar edilib.
Digər əməliyyat zamanı Etibar Talıbov və Natiq Mütəllimov saxlanılıb. Onların evinə baxış zamanı yarım kiloqramdan çox marixuana, heroin və çətənə aşkar edilib.
Faktla bağlı Xaçmaz rayon polis şöbəsində cinayət işi başlanıb. Məhkəmənin qərarı ilə Yudin, Sirakov və Talıbov həbs edilib, Natiq Mütəllimov isə polis nəzarətinə götürülüb. 0
Cəmiyyət
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
Rəy yaz