Xədicə İsmayılova şərti azadlıqda (Foto - Video / YENİLƏNİB)

"Hamıya salamlar. Həbsdən çıxdım. Dəstəyə görə çox sağolun. Güclü və enerjiliyəm. Bundan sonra da fəaliyyətimi davam etdirəcəm. Çox sağ olun" - deyə X.İsmayılova azadliğa çıxarkən bildirib.

2016 May 25 (Çərşənbə) 15:51:51

Azərbaycan Ali Məhkəməsi bu gün həbsdə olan jurnalist Xədicə İsmayılovanın kassasiya şikayətinə baxaraq, onun şərti azadlığa buraxılması haqqında qərar qəbul edib. Xəbəri məhkəmə zalından Turan-ın müxbiri verib.

Bu gün o, həbsdən çıxmalıdır, amma cinayət məsuliyyətinə xitam verilmədiyinə, sadəcə 5 ilə qədər azaldıldığına görə məhkum hesab olunacaq.

Vəkil Fariz Namazlının Turan-a verdiyi məlumata görə, məhkəmə Xədicəyə qarşı ittihamların bir hissəsini – 179-cu (mənimsəmə və israf) və 308-ci (vəzifə səlahiyyətlərindən sui-istifadə) maddələr üzrə ittihamları ləğv edib.

Eyni zamanda, məhkəmə 192 (qanunsuz sahibkarlıq) və 213-cü (vergi ödənişindən yayınma) maddə üzrə ittihamları qüvvədə saxlayıb.

Xatırladaq ki, birinci instansiya məhkəməsi 2015-ci ildə onu 7,5 il müddətinə azadlıqdan məhrum edib. O, 2014-cü ilin dekabrında saxlanılıb.

Bu gün Xədicə Azərbaycanın əsas siyasi məhbusu idi, demək olar ki, ölkənin bütün demokratik qüvvələri onun azad edilməsini tələb edirdi. -02В-