Xədicə İsmayılovanın vergi orqanları ilə məhkəmə çəkişməsi

Bakı/03.04.18/Turan: Bu gün 1 saylı Bakı İnzibati-İqtisad Məhkəməsində Vergilər Nazirliyinin araşdırmaçı jurnalist Xədicə İsmayılovadan 63 138 manat məbləğində vergi borcunun alınması haqqında iddiasına baxılması davam edib.

2017-ci ilin noyabrında Vergilər Nazirliyinin iddiası əsasında Xədicə İsmayılovanın bank hesabı dondurulub.

Məhkəmə iclasında jurnalist və onun nümayəndəsi Yalçın İmanov iki vəsatətlə çıxış ediblər.

Vəsatətlərdən biri "Azadlıq Radiosu" şirkətinin Azərbaycan nümayəndəliyinin üçüncü tərəf kimi cəlb edilməsinə toxunulub.

İkinci vəsatət Ali Məhkəmənin İsmayılovanın işi üzrə 25 may 2016-cı il tarixinin işə birləşdirilməsi ilə bağlı olub. Bu qərar üzrə 179-cu (mənimsəmə və ya israf) və 308-ci (vəzifə səlahiyyətlərindən sui-istifadə) bəraət verilməsi ilə əlaqədar real müddət şərti cəza ilə əvəz olunub.

İsmayılova 2008-ci ilin iyulundan 2010-cu ilin oktyabrına qədər "Azadlıq Radiosu"nun Bakı bürosunun rəhbəri olarkən 45 145 manat ölçüsündə gəlir vergisinin ödənişindən yayınmaqda ittiham olunurdu.

Onu həmçinin işçilərdən 14% gəlir vergisi tutulmasından yayınmaq məqsədilə onlarla xidmət müqaviləsi bağlamaqda ittiham ediblər.

İstintaq onu büdcəyə ümumilikdə 17.992 manat ödəməməkdə ittiham edib.

Vəkilin sözlərinə görə, İsmayılova 179-cu maddə ilə bu məbləğlə ittiham olunurdu, amma həmin maddə üzrə artıq bəraət alıb.

Öz növbəsində, Vergilər Nazirliyinin nümayəndəsi "Azadlıq Radiosu"nun nümayəndəliyinin üçüncü tərəf kimi cəlb edilməsinə qarşı çıxıb.

Ali Məhkəmənin qərarının birləşdirilməsinə gəlincə, o, Vergilər Nazirliyinin mövqeyini müəyyənləşdirmək üçün vaxt istəyib.

İsmayılova ittihamları absurd adlandırıb, belə ki, o, "Azadlıq Radiosu"nun Bürosunun rəhbəri olarkən yaradıcılıq məsələləri ilə məşğul olurdu və maliyyə işlərinə qarışmırdı.

Məhkəmə iclası aprelin 17-də davam edəcək, həmin iclasda vəsatətlərlə bağlı qərarlar da elan ediləcək.

İsmayılova 2015-ci il dekabrın 5-də həbs edilib və CM-in 179.3.2 (böyük ölçüdə mənimsəmə və israf), 192.2.2 (qanunsuz sahibkarlıq), 213.1 (vergi ödənişindən yayınma) və 308.2-ci (vəzifə səlahiyyətlərindən sui-istifadə) 7,5 il müddətinə azadlıqdan məhrum edilib.

Jurnalist ittihamları təkzib edib, məhz korrupsiya əleyhinə araşdırmalarına görə həbs edildiyini bəyan edib.

2016-cı il mayın 25-də Ali Məhkəmə onu həbsdən azad edib, həbs cəzasını 3,5 il şərti azadlıqdan məhrumetmə cəzası ilə əvəz edib və ona qarşı 179 və 308-ci maddələrlə ittihamları ləğv edib. -06D-