Xamis Xəlilov
Bakı/10.06.21/Turan: İki gün öncə itkin düşmüş balıqçının cəsədi Xəzər sahilində tapılıb. O, iyunun 8-də öz motorlu qayığında dənizə çıxdıqdan sonra geri qayıtmayıb.
İyunun 9-da dənizdə onun qayığının çevrildiyini görüblər. Salyan rayonunun Xıdırlı kənd sakini, 28 yaşlı Xamis Xəlilovun axtarışına Fövqəladə Hallar Nazirliyinin Sularda Xilasetmə Dövlət Xidmətinin dalğıcları cəlb edilib.
Bu gün balıqçının cəsədi sahildəki qamışlıqda aşkar edilib, bu barədə Turan-ın bölgə müxbiri məlumat verib.
İlkin versiyaya görə, ölümə balıqçı suda olarkən başqa bir motorlu qayığın onun üzərindən keçməsi və balıqçının başından ağır xəsarət alması səbəb olub. Faktla bağlı araşdırma aparılır.—06D
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz