Xəzəryanı dövlətlər Xəzərin çirklənmədən qorunması üzrə protokol qəbul ediblər

Xəzəryanı dövlətlərin nümayəndələri dekabrın 12-də Moskvada Xəzər dənizinin mühitinin müdafiəsinə həsr olunmuş konfransda Xəzər dənizinin qurudakı fəaliyyət nəticəsində çirklənmədən qorunması üzrə protokol imzalayıblar. Bu barədə RF Təbii Sərvətlər və Ekologiya Nazirliyinin mətbuat xidməti məlumat yayıb. 

Bu protokol 2003-cü ildə Tehranda konvensiyanın imzalanmasından sonra 9 il ərzində qəbul edilən ikinci sənəd oldu. Sənədin Xəzərin ekologiyasının müdafiəsi üzrə konvensiyanın müddəalarının təcrübi olaraq həyata keçirilməsinin başlanğıcını təmin edəcək.

İclası açan RF təbii sərvətlər və ekologiya naziri Sergey Donskoy qeyd edib: “Tehran konvensiyası təbiətin müdafiəsi üzrə regional əməkdaşlığın səmərəli hüquqi aləti olacaq”. O, həmçinin tərəflərin bir sıra məsələlər üzrə xeyli yaxınlaşmasına diqqət çəkib. Konvensiyaya üzv olan ölkələr protokolun həyata keçirilməsi üçün çirklənmə mənbələrinə nəzarət üzrə milli fəaliyyət planı hazırlayırlar, o cümlədən müvafiq maddələr üçün maksimum tullantı miqdarını müəyyən edirlər. Bu ölkələr həmçinin ekoloji cəhətdən əsaslandırılmış texnologiyaların və ətraf mühitin məqsədli keyfiyyət göstəricilərinin tətbiqinə yardım edəcəklər. Tərəflərin nazirlər səviyyəsində növbəti konfransı 2014-cü ildə Türkmənistanda keçiriləcək. -02D-