Xoşbulaq kəndlilərinin Daşkəsən polisində döyüldükləri və təcavüzlə təhdid edildikləri deyilir
Xoşbulaq kəndinin sakinləri Daşkəsən polisində zorlanmaqla təhdid olunduqlarını bildirirlər
Bakı/05.06.23/Turan: Daşkəsən rayonunun Xoşbulaq kəndinin bir qrup sakini yerli polis tərəfindən saxlanılıb, avtomobillərə mindirilərək DİN-in rayon idarəsinə gətirilib. Orada polis saxlanılan kişiləri döyüb, işgəncə verib, Xoşbulaq sakinləri Bəylər Eyyubova məxsus dağlıq ərazilərdə heyvan otarmağa, digər kənd təsərrüfatı işləri ilə məşğul olmağa davam etsələr, zorlamaqla, qohumlarını işdən qovmaqla təhdid edib, deyə kəndlilər bildirib.
General-polkovnik Bəylər Eyyubov Azərbaycan Respublikası Təhlükəsizlik Xidmətinin rəisi, Azərbaycan Respublikası Xüsusi Dövlət Təhlükəsizliyi Xidmətinin rəisinin birinci müavinidir.
Saxlanılanlardan biri - İkinci Qarabağ müharibəsinin veteranı Ruzi Bağırov bildirib ki, Xoşbulaq kəndi ətrafındakı ərazi dövlət məmurlarına satılıb. Bununla əlaqədar sakinlər Bakıda məmurlarla görüşüblər, amma kəndlilərə qarşı zorakılıq davam edir. Bütün torpaq sahələri alınıb, kəndlilər və mal-qara məmurların tutduğu torpaqlarda görüldükdə sakinlər həbs olunur. B.Eyyubovun bacısı Xoşbulaq kəndində villa tikib, yüzlərlə hektar torpaq sahəsi tutulub, sakinlərin mal-qara otaracaq, məhsul yetişdirəcək yeri yoxdur, deyə Bağırov bildirib.
"Polis bölməsində məni və digərlərini döyüblər, əlimdə polis bölməsində qırılan sümüklərimi əks etdirən rentgen görüntüsü var, ayda 250-300 manata xadimə, mühafizəçi işləyən doğmalarımızı işdən qovmaqla təhdid edirlər. Saxlanılanlar sərbəst buraxıldıqdan sonra guya polisə müqavimət göstərdiklərinə görə 50 manat cərimə olunub. Biz öz torpaqlarımızdan qazanc əldə etməyimizə imkan verməyi tələb edirik, başqa qazanc yolumuz yoxdur", deyə o bildirib.
Digər sakinlərin sözlərinə görə, Xoşbulaq kəndinin torpaqları Daşkəsən rayon İH başçısı Əhəd Əbiyev tərəfindən alınıb. O, torpaqları qoyun sürüləri olan Bakı məmurlarına satır, bu qoyunlar kəndlilərin girişi qadağan edilmiş sahələrdə otarılır.
Daşkəsən rayon İH-də növbətçi Turan-ın telefon sorğularına cavab olaraq bildirib ki, İH-nin polisin işi ilə əlaqəsi yoxdur. Daşkəsən RDİİ-də növbətçi zabit vətəndaşların döyülməsi, onlara qarşı hər hansı zorakılıq haqqında məlumatı təkzib edib. "Daşkəsən rayon polisində insanlara bir çırtma belə vurula bilməz", deyə o bildirib. 0
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz