Bakı/22.12.18/Turan: Yaxın iki gündə Bakıda və Abşeronda yağıntısız hava şəraiti bərqərar olacaq, cənub-qərb küləyi əsəcək, havanın temperaturu əvvəlki günlərlə müqayisədə bir neçə dərəcə yüksələcək.
Bazar günü Bakıda və Abşeronda havanın temperaturunun gecə +4 +6 dərəcə, gündüz +7 +11 dərəcə olacağı gözlənilir, vaxtaşırı qərb küləyi güclənəcək, xəbəri Ekologiya Nazirliyinin Milli Hidrometeorologiya Departamenti yayıb.
Dekabrın 23-də aran rayonlarında havanın temperaturu +8 +13 dərəcəyə qədər yüksələcək. Dağlarda gecə 0 -5 dərəcə şaxta, gündüz +3 +6 dərəcə isti olacaq.
Sinoptiklər dekabrın 23-25-də bəzi rayonlarda vaxtaşırı qərb küləyinin güclənəcəyi ehtimalı barədə xəbərdarlıq edirlər. -06D--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz