Azər Qasımov The Guardian-ı təkzib edir

Bakı/22.12.18/Turan: Azərbaycan prezidentinin mətbuat katibi Azər Qasımov Britaniyanın The Guardian qəzetindəki nəşrdə İlham Əliyevin ailə üzvlərinin çirkli pulların yuyulması əməliyyatlarında əli olması ehtimalı haqqında iddiaları təkzib edib.

"Yalnız bir şey deyə bilərəm ki, The Guardian qəzetində prezidentin ailə üzvləri ilə bağlı gedən məlumatlar tam iftira, yalan, böhtan xarakteri daşıyan yazılardır", deyə BBC News-un Azərbaycan xidməti Qasımovdan sitat gətirir.

Əvvəllər də belə nəşrlər olub, amma onlar öz təsdiqini tapmayıb, deyə Qasımlı bildirib.

Onun fikrincə, "Azərbaycana qarşı bu cür yazılar təxribat, böhtan və qarayaxma kampaniyasından başqa heç bir şey deyil".

"Bu, Azərbaycanın qonşuları ilə münasibətlərinin gücləndiyi bir şəraitdə təzyiqdən başqa bir şey deyil"", deyə Qasımov bildirib.

The Guardian-ın iddiasına görə, Azərbaycan prezidentinin qızları, çox güman ki, potensial olaraq pulların yuyulması ilə bağlı olan əməliyyatlara cəlb ediliblər, Britaniya məhkəməsi bunu təsdiq edib. Leyla və Arzu Əliyevaların Londonda 60 milyon funtluq daşınmaz əmlak almaq cəhdləri müstəntiqlərin şübhəsini çəkib, deyə qəzetin iki gün əvvəl dərc etdiyi məqalədə bildirilirdi. -06D-