Ötən gecə vətəndaş cəmiyyəti fəalı Yalçın Qəhrəmanoğlu Kiyevdən qayıdarkən Bakı aeroportunda saxlanılıb. Bu barədə sosial şəbəkələrdə fəalın dostları məlumat yayıblar. Onlar qeyd ediblər ki, o, anasının dəfnində iştirak etmək üçün gəlib.
Saxlanılmanın səbəbi açıqlanmır, qeyri-rəsmi məlumatlara görə, Qəhrəmanoğlu DİN-in Mütəşəkkil Cinayətlərə qarşı Mübarizə İdarəsinə aparılıb və hazırda oradadır.
DİN-in mətbuat xidmətindən Turan agentliyinə saxlanılma faktını və onun səbəblərini şərh etməkdən imtina ediblər.
Qeyd edək ki, Yalçın Qəhrəmanoğlu bir neçə ildir Kiyevdə yaşayır və Azərbaycan Demokratik Qüvvələrinin Milli Şurasının yerli nümayəndəsidir.
Bundan əvvəl o, həbsdə olan sabiq səhiyyə naziri Əli İnsanovun hüquqlarını müdafiə komitəsinin üzvü idi, buna görə təzyiqə məruz qalırdı. -02В-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz