![Elçin Məmməd: «Bu addım müstəqil mətbuata edilən təzyiqlərin tərkib hissəsidir!»](https://turan.az/resized/./turan-750-500-resize.webp)
Elçin Məmməd: «Bu addım müstəqil mətbuata edilən təzyiqlərin tərkib hissəsidir!»
İyunun 1-də Nizami Rayon Məhkəməsində xuliqanlıqda ittiham olunan “Yüksəliş naminə” qəzetinin baş redaktor müavini Elçin Həsənovun işi üzrə məhkəmə prosesi yekunlaşıb. Hakim Məzahir Sadıqovun sədrliyi ilə keçirilən prosesdə jurnalist 1 il müddətinə islah işlərinə cəlb olunub. Bu barədə qəzetin baş redaktoru, hüquq müdafiəçisi Elçin Məmməd “yukselis.info”ya məlumat verib. Onun sözlərinə görə, iş üzrə heç bir şahid olmayıb və istintaq özü də jurnalistin guya işlətdiyi cinayət alətini müəyyən etməyib. “Hesab edirik ki, Elçin Həsənovun cəzalandırılmasının əsl səbəbi onun jurnalist fəaliyyəti və vətəndaş fəallığı ilə bağlıdır. E.Həsənova qarşı cinayət işinin qaldırılması onun korrupsiya və mənimsəmələrlə bağlı yazılarının dərcilə eyni vaxta təsadüf edir. O, bundan öncə də müxtəlif formada təzyiqlərə məruz qalıb, polis tərəfindən saxlanılıb. Bu addım müstəqil mətbuata edilən təzyiqlərin tərkib hissəsidir və onları susdurmaq məqsədi daşıyır.” – deyə hüquq müdafiəçisi bildirib. Xatırladaq ki, jurnalistlə bağlı cinayət işi bir il öncə baş vermiş hadisə ilə əlaqədardır. Belə ki, E.Həsənov “Asiya” agentliyinin keçmiş rəhbəri Cəfər Cəfərovun hücumuna məruz qalıb. İnsidentdən sonra E.Həsənov polisə şikayət edib və bir qədər sonra jurnalistin özünə qarşı xuliqanlıq maddəsi ilə cinayət işi qaldırılıb. C.Cəfərov isə zorla pul tələb etmək faktı ilə əlaqədar DİN Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb və həmin ittiham üzrə istintaq altındadır.-0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz