![Elçin Həsənov bir il islah işlərinə məhkum edilib](https://turan.az/resized/media/2016/main/060100157840-750-500-resize.webp)
Elçin Həsənov bir il islah işlərinə məhkum edilib
Bu gün Bakının Nizami rayonu jurnalist Elçin Həsənov barəsində xuliqanlıq ittihamı üzrə hökm çıxarıb. Məhkəmə ittihamı daha ağır maddədən (221.3 – xuliqanlıq, soyuq silahdan istifadə ilə törədildikdə) daha yüngül maddəyə (221.1 – xuliqanlıq) tövsif edib və jurnalisti aylıq əmək haqqının 20%-i tutulmaqla, bir il islah işlərinə məhkum edib. Bir müddət əvvəl prokuror Həsənovu 3,5 il müddətinə azadlıqdan məhrum etməyi istəmişdi.
Vəkil Fariz Namazlı Turan-ın müxbiri ilə söhbətində qeyd edib ki, müdafiə tərəfi hökmlə razı deyil və ondan şikayət vermək niyyətindədir. Onun sözlərinə görə, ittihamın hüquqi əsası yoxdur və müdafiə tərəfi tamamilə bəraətə nail olmaq niyyətindədir.
Vəkil qərəzliliyin ön gözəl dəlili kimi işin DİN-in Baş Mütəşəkkil Cinayətkarlığa qarşı Mübarizə İdarəsi tərəfindən aparılmasını göstərib.
Bundan başqa, işdə hadisə şahidi yoxdur və bütün ittiham zərərçəkmişin ifadəsi əsasında qurulub.
Məhkəmədə istintaqın Həsənovun soyuq silahdan istifadə etməsi versiyası sübutunu tapmadı. Bunu nə zərərçəkmiş özü, nə məhkəmə-tibb eksperti təsdiq etmədi. Bu hal ittihamın daha yüngül ittihamla əvəz olunmasına səbəb oldu.
221.1-ci maddə amnistiyaya düşür. Amma vəkil izah edib ki, bu, Həsənova şamil edilməyəcək, belə ki, məhkəmənin hökmü 20 gün sonra, yəni amnistiya aktının icrasının başladığı 15 iyundan sonra qüvvəyə minəcək.
Cinayət işi bir il əvvəl baş vermiş hadisə ilə bağlıdır, həmin vaxt Həsənov özü “Asiya” agentliyinin keçmiş rəhbəri Cəfər Cəfərov tərəfindən hücuma məruz qalıb. (Hazırda sonuncu rüşvət tələb etmə ittihamı ilə istintaq altındadır). Hadisədən sonra Həsənov şikayətlə polisə müraciət edib və bir müddət sonra Cəfərov Həsənovun şikayəti ilə deyil, rüşvət faktları ilə əlaqədar həbs edilib.
Amma bu ilin martında Həsənovun özünə qarşı cinayət işi açılıb. Həsənov hesab edir ki, o, jurnalistlik və müxalif fəaliyyətinə görə təqib olunur. O, Sumqayıtın “Yüksəliş naminə” internet-qəzetinin (yukselis.info) redaktor müavinidir. Bundan başqa, o, AXCP Ali Məclisinin üzvü və “Sumqayıt gənclərinin hüquqi maarifləndirilməsi” QHT-nin sədr müavinidir. Həsənova qarşı cinayət işinin başlaması onun orduda korrupsiya və mənimsəmə mövzusunda nəşrlərlə eyni vaxta təsadüf edib. -06B-
-
- İqtisadiyyat
- 1 İyun 2016 12:38
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz