Bakı/09.07.18/Turan: Azərbaycanda ali məktəblərə qəbul başlayıb. İyulun 10-da V ixtisas qrupu üzrə ali təhsil müəssisələrinə və kolleclərə imtahanlar başlayacaq. İmtahanlar əvvəlki illərin məzunları üçün 11 illik orta təhsil bazası əsasında keçiriləcək. Həmçinin 9 illik orta təhsil bazası əsasında kolleclərə imtahanlar olacaq.
Dövlət İmtahan Mərkəzinin mətbuat xidmətinin məlumatına görə, imtahanlar Bakı, Naxçıvan, Gəncə, Şəki, Bərdə, Göyçay, Şirvan, Lənkəran və Xaçmazda keçiriləcək. İmtahanlarda 26 mindən çox abituriyent iştirak edəcək. Onlardan
18116 nəfəri ali məktəblərə, 4437-i kolleclərə daxil olur.
İmtahan prosesinin idarə olunmasına və nəzarətə 2073 nəzarətçi müəllim cəlb edilib.
Xatırladaq ki, ötən ildən ölkədə ali və orta ixtisas tədris müəssisələrinə qəbul imtahanları iki mərhələdə - yaz və yayda keçirilir. Yeniliyin mahiyyəti abituriyentlərin daha yüksək bal toplamasına, ali məktəblərə daxil olarkən müsabiqədə uğurlu iştirak şansını artırmasına imkan yaratmaqdır.
I və IV ixtisas qrupları üzrə imtahanlar iyulun 18-də, II və III qruplar üzrə iyulun 26-da keçiriləcək.-0-
Cəmiyyət
-
Rusiya və Qazaxıstanın Səhiyyə Nazirlikləri Ümumdünya Səhiyyə Təşkilatının (ÜST) Marburq virusunun yeni təhlükəli infeksiyasının yayılması ilə bağlı verdiyi xəbərdarlıqdan sonra epidemioloji vəziyyətin monitorinqini və nəzarətini gücləndirir.
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
Rəy yaz