Y.Cəfərli: Əks reaksiyalar S.Əbiyevin özüünümüdafiə cəhdidir
Ordudakı nöqsanların tənqid olunmasına görə son vaxtlar Müdafiə Nazirliyinin əks reaksiyaları bu əks reaksiayları imzalayan şəxslərin yox, nazir Səfər Əbiyevin şəxsi reaksiyasıdır. Ehtiyatda Olan Zabitlər Birliyinin rəhbəri Yaşar Cəfərli bunu Turan-a bildirib.
Y.Cəfərov son vaxtlar mətbuatda nazirliyin ayrı-ayrı hərbi hissələrinə məxsus zabit və əsgərlərin imzası ilə nazir S.Əbiyevi müdafiə edən bəyanat və müraciətləri nazirin özünün təşkil etdiyini nəzərə çatdrıb. S.Əbyevin bu addımı təkcə onu tənqidə məruz qoyan ictimai qurumlara yox, bütünlükdə cəmiyyətə hücum etmək kimi dəyərləndirilib.
Ordu üzərində ictimai nəzarəti yerinə yetirən ictimai qurumlar orduda problemlər olması haqda həmişə danışıblar. Əsgər ölümlərinə etiraz olan 12 yanvar aksiyasının bütöv cəmiyyətə vəziyyətin təhlükəli olduğunu əyani başa salıb. Orduda əsgər ölümlərinə etiraza bütün xalq qalxdı, YAP-dan olan deputatlar belə durumu tənqidə məruz qoydular. Belə olan surətdə S.Əbiyev postunu itirə biləcəyi təhlükəsi yaşadı. S.Əbiyevin ictimai tənqidlərin ordunu tənqid kimi cəmiyyətə izah etməsi əsassız sayıldı. “Ordu xalqındır, ordu dövlətin bel sütunudur, tənqidlər də ordu ilə yox, məhz ordudakı problemlərlə bağlıdır”, - deyə Y.Cəfərli naziri ictimai rəyi azdırmaqda ittiham edib. Onun fikrincə, indiki halda belə S.Əbiyev atdığı addımlarda səmimi deyil, yaydığı bəyanatlarla bu şəxs ordunu yox, özünü müdafiə edir, həm də S.Əbiyev bu tənqidlərə görə özünü ordu ilə eyniləşdirir. “S.Əbiyevə xatırladırıq ki, ona qədər başqa şəxslər nazir olub, ondan sonra da başqaları nazir olacaq, amma ordu nazir adlı şəxsin yox, xalq adlı şəxsindir”, - deyə Y.Cəfərli nazirə özünü ordu ilə eyniləşdirməmək tövsiyəsi verib.
Əsgər ölümlərinə görə heç zaman ciddi araşdırmalar getmədiyini deyən Y.Cəfərli nazirin bütün bu problemləri həll etmək əvəzinə özünə hansısa bəyanat və müraciətlərdən ibarət “şəxsi müdafiə istehkamı” qurmaq istəməsini vəzifədə qalmaq ehtirasının təmin olunması cəhdi kimi dəyərləndirib. “Sivil ölkələrdə ordudakı belə problemlərə görə nazir istefa verir, daha cəmiyyətə meydan oxumur”, - deyə Y.Cəfərli qeyd edib. -05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz