Bakı/20.04.17/Turan: “Yehovanın Xristian Şahidləri” Avropa Assosiasiyasının sədri Toni Breys və qurumun nümayəndəsi Miriano Makias Azərbaycana gəliblər.
Dini Qurumlarla İş üzrə Dövlət Komitəsində keçirilən görüş zamanı onlara ölkədə dini icmaların azad fəaliyyəti üçün zəruri şəraitin yaradılması barədə məlumat verilib. Bu haqda Komitənin məlumatında bildirilir.
Eyni zamanda bəzi Avropa ölkələrində islamofobiya, irqi və dini ayrı-seçkiliyin artmasından narahatlıq ifadə edilib və deyilib ki, belə təhdidlər getdikcə daha təhlükəli forma almaqla geosiyasi maraqların ödənilməsi vasitəsinə çevrilir. Azərbaycan bu problemlərdən çıxış yolunu tolerantlıqda, həmrəylikdə görür.
Qeyd edək ki, “Yehova Şahidləri” icması Azərbaycanda 90-cı illərin ortalarında fəaliyyətə başlayıb. Ancaq hazırda icmanın dövlət qeydiyyatı yoxdur. İcmanın üzvləri təqiblərə məruz qalır. Polis vaxtaşırı reydlər keçirir, icma üzvlərinin toplantısında iştirak edənləri saxlayır, onların ədəbiyyatını götürür. Bir qayda olaraq, onların barəsində inzibati cərimələr tətbiq olunur.
İnzibati həbslər və cinayər məsuliyyətinə cəlb edilmə halları olub. Belə ki, 2015-ci ildə İrina Zaxarçenko və Valida Cəbrayılova həbs olunublar və 11 ay həbsdə qalıblar. Beynəlxalq təşkilatların davamlı etirazlarından sonra onlar vaxtından əvvəl azadlığa buraxılıblar.—06D—
Cəmiyyət
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
Rəy yaz