“Yeni Müsavat” qəzetinin şərhçisi Zamin Hacı Bakı Şəhər Baş Polis İdarəsinə çağırılıb.
Z.Hacı Turan-ın müxbirinə bildirib ki, polisə çağırılmasına publisist Rafiq Tağının ölümünün ildönümü ilə bağlı Facebook-da yazdığı status səbəb olub.
Z.Hacı öz yazısında qeyd edib ki, son 26 ildə Azərbaycanda rezonans doğuran qətllər və terror aktlarına görə heç kim cəzalandırılmayıb.
Bu sırada 1990-cı ilin Yanvar hadisələrini, Xocalı soyqırımını, 1991-ci il 20 noyabr terror aktını, akademik Ziya Bünyadov, HHQ komandanı Rail Rzayev, jurnalist Elmar Hüseynov, yazıçı-publisist Rafiq Tağının və başqalarının qətllərini göstərib.
“Əgər belə cinayətlər cəzasız qalırsa ölkədə sabitlik və dövlət quruculuğundan necə danışmaq olar?”, - müəllif sual edir.
Onun sözlərinə görə, paytaxt polisi və DİN-də statusu ilə bağlı ona iradlarını bildiriblər və deyiblər ki, ölkədə sabitlik hökm sürür, jurnalist isə ictimai-siyasi duruma kölgə salır.
Z.Hacı bir neçə ay öncə Bakı polisinə “söhbət”ə çağırılmışdı.06D--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz