Açiq mənbələrdən foto.
Bakı/20.10.21/Turan: Oktyabrın 19-da axşam prokurorluq əməkdaşları yetkinlik yaşına çatmayan gender-fəal Sənan Yağmura təcavüz etməkdə şübhəli bilinən Əsgər Ağayevi saxlayıblar. Bu barədə gənc qızın anası, yazıçı Zümrüd Yaqmur məlumat verib.
O bu barədə Baş Prokurorluğun İstintaq İdarəsi tərəfindən rəsmən məlumatlandırılıb. İstintaq ailə və ictimaiyyət nümayəndələrinin baş prokuror Kamran Əliyevə müraciətlərindən sonra yenidən başlayıb.
Baş Prokurorluğun mətbuat xidmətindən məlumatı təsdiq ediblər. Qurumda qeyd ediblər ki, saxlanılan şəxs 48 saat ərzində qətimkan tədbirinin seçilməsi üçün məhkəmə qarşısına çıxarılacaq.
Ötən həftə qurbanın anası, yazıçı Zümrüd Yaqmur cinayətdə öz qohumunu ittiham edib. Onun sözlərinə görə qızına narkotik maddə qəbul etdirib.
Yağmur bildirib ki, istintaq real araşdırma aparmayıb. Yağmurun sosial şəbəkələrdə çıxışı rezonans doğurub və fəallar Baş Prokurorluqdan obyektiv istintaqın aparılmasını tələb ediblər.
Qurbanın atası tanınmış siyasətçi, Azərbaycan Xalq Cəbhəsi Partiyası Rəyasət Heyətinin üzvü Fuad Qəhrəmanlıdır.
Bundan sonra Baş Prokurorluq bildirib ki, Yasamal Rayon Prokurorluğunda Cinayət Məcəlləsinin 149.2.3-cü maddəsilə başlanmış cinayət işi baş prokurorun şəxsi nəzarətinə götürülüb. İstintaqın davam etdirilməsi Baş Prokurorluğun İstintaq İdarəsinə tapşırılıb.21D30/6-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz