Юнис Сафаров
Bakı/03.09.18/Turan: Gəncə şəhər icra başçısı Elmar Vəliyevə sui-qəsddə ittiham olunan Yunis Səfərovun anası Leyla İsmayılova yenidən ictimaiyyətə müraciət edərək oğluna işgəncə verildiyini bildirib. Onun sözlərinə görə, Y.Səfərovdan fiziki təzyiq altında vəkil Elçin Sadıqovun əleyhinə ifadə alıblar. Guya o, Yunisi məcbur edib ki, DİN Mütəşəkkil Cinayətkarlığa Qarşı Mübarizə İdarəsində ona işgəncə verilməsi barədə "yalan ifadə" versin. Əks halda, onu təcridxanadan MCQMİ-yə qaytarılacağı və işgəncə veriləcəyi ilə hədələyiblər.
L.İsmayılova hesab edir ki, bütün bunları vəkilləri qorxutmaq və onları hakimiyyəti düşmən hesab edənləri müdafiə etmək üçün həvəsdən salmaqdan ötrü edirlər.
"Sonuncu işgəncələrdən sonra oğlumu yenə də gizlədirlər. Deyirlər ki, guya dövlət hesabına təyin edilmiş vəkil onun hüquqlarını müdafiə edir", - ana vurğulayıb. L.İsmayılova ölkə rəhbərliyini oğluna qarşı işgəncələrə son qoyulmasına çağırıb.
Xatırladaq ki, iyulun 3-də RF vətəndaşı, əslən Gəncədən olan Yunis Səfərov Gəncə şəhər icra başçısını və onun mühafizəçisini tapança ilə yaralayıb.
Bir həftə sonra, iyulun 10-da 150-200 sakindən ibarət qrup şəhər administrasiyasının qarşısında etiraz aksiyası keçirib. Polislə qarşıdurma zamanı iki yüksək vəzifəli polis zabiti öldürülüb.
Sentyabrın 28-də baş prokuror Zakir Qaralov bildirib ki, hadisə ilə əlaqədar 77 nəfər cinayət məsuliyyətinə cəlb olunub, 11 nəfərin barəsində axtarış elan edilib.-06D--
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz