Zakir Sultanov
Bakı/28.01.22/Turan: Bu gün Bakı Ağır Cinayətlər Məhkəməsində Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin keçmiş rəisi Zakir Sultanovun cinayət işi üzrə proses başa çatıb.
İclas zamanı müdafiə tərəfi müttəhimin 5,3 milyon manat məbləğində zərəri ödədiyi, törətdiyi əməldən peşman olduğu, istintaqla əməkdaşlıq etdiyi, habelə, iki yetkinlik yaşına çatmayan uşağının olduğu nəzərə alınaraq şərti cəza verilməsi barədə vəsatət qaldırıb.
Lakin məhkəmə Sultanovu ciddi rejimli kolonitada cəza çəkməklə 11 il müddətinə azadlıqdan məhrum edib.
Xatırladaq ki, Sultanov və mədəniyyət nazirinin keçmiş müavini Rafiq Bayramov 2020-ci ilin mayında korrupsiya və vəzifədən sui-istifadə ittihamı ilə həbs ediliblər.
Sonradan Bayramovun barəsində iş ayrıca icraata götürülərək 8 il müddətinə azadlıqdan məhrum edilib.
Daha sonra Apellyasiya Məhkəməsi cəza müddətini 4,5 ilə endirib.- 06B-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz