Zamin Salayev
Bakı/31.05.23/Turan: Azərbaycan Xalq Cəbhəsi Partiyası Salyan rayon şöbəsinin sədri, həbsdə olan Zamin Salayev iyunun 6-dan quru aclığa keçəcək. Bu barədə Turan-a onun vəkili Fəxrəddin Mehdiyev çərşənbə günü Penitensiar Xidmətin müalicə müəssisəsində Salayevə baş çəkdikdən sonra bildirib.
Salayev 114 gündür ki, aclıq edir və azaldığa buraxılmasını tələb edir.
"Zaminin vəziyyəti əvvəlkitək ağırdır. Onu əlil arabasında aparırlar. Bu gün çəkisi 68 kiloqram, təzyiqi 70/50-dir. Hər gün sisten köçürürlər. Nəbzi yüksəkdir, dəqiqədə 110-120. Böyrəklərində, ürəyində, bel nahiyəsində kəskin ağrılar var”, - vəkil deyib.
Penitensiar Xidmətin müalicə müəssisəsindən Salayevin səhhəti barədə məlumat almaq mümkün olmayıb.
*Zamin Salayev fevralın 7-də saxlanılıb, ertəsi gün Qaradağ məhkəməsi onu silahdan istifadə etməklə xuliqanlıq ittihamı ilə həbs edib ( Cinayət Məcəlləsinin 221.3-cü maddəsi). Mayın 22-də məhkəmə onu 4 il həbs cəzasına məhkum edib.
ABŞ-ın Bakıdakı səfirliyi hakimiyyəti Zamin Salayevi və digər siyasi məhbusları azad etməyə çağırıb. 05B06
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz