Zaqatala FHK: Dəyən ziyan müəyyən edilir

Bakı/06.06.18/Turan: İyunun 5-də axşam saatlarında Zaqatalada baş vermiş zəlzələnin vurduğu ziyanlar öyrənilir. Bu barədə Turan-a rayon icra hakimiyyəti başçısının birinci müavini, Rayon Fövqəladə Hallar Komissiyasının sədri Tofiq Əhmədov bildirib.

Onun sözlərinə görə, zəlzələ bütün rayon ərazisində hiss edilib, amma insan tələfatına səbəb olmayıb.

"Tikililərdə çatlar əmələ gəlməsi, bəzi divarların aşması kimi ziyanlar var, amma evlərin uçması və s.kimi hallar baş verməyib".

T.Əhmodv deyib ki, komissiya dəyən ziyanın hesablanması ilə bağlı işə başlayıb, yaxın günlərdə ilkin məlumatını açıqlayacaq.

İyunun 5-də ölkənin şimal rayonlarında zəlzələ baş verib. Zəlzələnin episentri Zaqatala rayonunda olub. -0-

* * *

2018 İyun 06 (Çərşənbə) 10:31:29

Zaqatalada güclü zəlzələ

Iyunun 5-i saat 22:40-da Zaqatala rayonu ərazisində güclü zəlzələ qeydə alınıb. Bu haqda Respublika Seysmologiya Mərkəzinin yaydığı məlumatda deyilir.

Məlumata görə, 12 kilometr dərindlikdə baş verən zələzlə 5.5 maqnitudalı olub.

Zaqataladan 24 km cənubda olan zəlzələnin episentirdə yeraltı təkanlar 6 bala qədər hiss olunub.

Tələfat və dağıntılar barədə məlumat verilmir.