![Zaqatalada həbs edilənlər var](https://turan.az/resized/media/2016/main/013000145225-750-500-resize.webp)
Zaqatalada həbs edilənlər var
Yanvarın 30-da Zaqatala rayonunda keçirilməsi planlaşdırılan aksiyaya görə bir gün öncə 7 nəfərdən çox yerli sakin saxlanılıb. Saxlanılanlar arasında Zaqatala şəhərinin və müxtəlif kəndlərin sakinləri var. Bu barədə Turan-a adının çəkilməsini istəməyən Zaqatala rayon sakini bildirib.
O, saxlanılanlardan ikisinin kimliyinin məlum olduğunu deyib.
“Bunlar Zaqatalanın Yuxarı Tala kənd sakinləri Səbuhi Mahmud oğlu Nusalov və Vaqif Kahov oğlu Hüseynovdur. Hər iki şəxs ictimai asayişi pozmaqda günahlandırılıb, yerli məhkəmə barələrində 25 sutka inzibati həbs qərarı çıxarıb”, deyə o qeyd edib.
Xatırladaq ki, bastainfo.com saytı yerli sakinlərin yanvarın 30-da bahalaşmaya etiraz olaraq aksiya keçirəcəyini yazıb.
Öz növbəsində, Zaqatala rayon Polis Şöbəsinin növbətçi hissəsindən Turan-a yayılan məlumatın yalan olduğunu bildiriblər. “Rayonda etiraz aksiyası ilə bağlı saxlanılan yoxdur”, deyə növbətçi hissədən bildiriblər. -03B-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz