Zaur Həsənov kritik vəziyyətdən çıxdıqdan sonra müalicə üçün xaricə aparılacaq

Özünü yandırmış Qarabağ əlili Zaur Həsənovun vəziyyəti imkan verən kimi o, müalicə və reabilitasiya üçün aparıcı xarici klinikalardan birini köçürüləcək. Bu barədə Turan-a “Qarabağ veteranları” ictimai birliyinin rəhbəri Etimad Əsədov 5 saylı xəstəxananın həkimlərinə istinadla bildirib.

Əsədovun sözlərinə görə, hazırda Həsənovun köçürülməsinin mümkün olması üçün kritik vəziyyətdən çıxması üçün həkimlər əllərindən gələni edirlər. 

Həsənovun müalicəsi ilə bağlı bütün xərcləri dövlət üzərinə götürəcək və bu barədə prezident İlham Əliyevin müvafiq tapşırığı var.

Dekabrın 28-də Fəvvarələr Meydanında Həsənovun hüquqlarının müdafiəsi üçün etiraz aksiyası keçirilməsinə gəlincə, Əsədov qeyd edib ki, “Qarabağ veteranları” təşkilatının mitinqlə əlaqəsi yoxdur.

“Biz ilk gündən bu məsələyə əlil yoldaşımızın sosial problemi kimi yanaşırdıq. Prezident İlham Əliyevə Zaur Həsənovun müalicəsinə və ailəsinin sosial problemlərinin həllinə köməklik göstərilməsi haqqında qərarına görə minnətdarıq”, deyə Əsədov bildirib. -06B-