Azercell Qələbə Gününə həsr olunmuş xüsusi layihə və sosial media kanallarında keçirilən hədiyyəli kampaniya ilə abunəçilərini sevindirir!
“Azercell Telekom” MMC Zəfər Günü münasibəti ilə sosial mediada #eyVətən həştəqi altında layihə keçirir. Lider mobil operator işğaldan azad olunmuş torpaqlarda bərpa, yenidənqurma işləri, yeni infrastrukturun yaradılması istiqamətində atılan addımlar, eləcə də ərazilər üzrə şəhər günlərinin təsis olunması, onların yenidən çiçəklənməsi və canlanmasına həsr olunmuş paylaşımlar edir və müxtəlif müsabiqələr keçirir. Oktyabrın 15-dən etibarən şirkətin sosial media kanallarında yer alan bu layihə izləyicilərin böyük marağına səbəb olub.
Bununla yanaşı, 8 Noyabr - Zəfər Gününə həsr olunmuş kampaniya çərçivəsində, həmçinin “Veteran” tarifindən yararlanan abunəçilərə şəbəkədaxili pulsuz danışıq dəqiqələri hədiyyə ediləcək. Bu dəqiqələrdən SMS göndərilən andan başlayaraq 24 saat ərzində faydalanmaq mümkün olacaq.
Qeyd edək ki, 44 günlük Vətən müharibəsində cəbhə boyu ordumuzun ardınca irəliləyərək işğaldan azad olunmuş tarixi torpaqlarımızda ilk mobil infrastrukturunu quran “Azercell Telekom” MMC bu bölgələrdə yeni nəsil şəbəkənin genişləndirilməsi və əhalinin qabaqcıl kommunikasiya xidmətləri ilə təmin edilməsi istiqamətində işlərini davam etdirir.
Qüdrətlisən, #eyVətən!
Gülüstansan, #eyVətən!
Bölünməzsən, #eyVətən! ®
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz