Çərşənbə axşamı saat 05:00-da Ciddədən təyyarə ilə uçmalı olan zəvvarların vətənə dönüşü ləngiyir. Buna səbəb erkən uçuşa qalxmalı olan reysin daha gec saatlara təxirə salınmasıdır.
Məsələ ilə bağlı açıqlama verən Qafqaz Müsəlmanları İdarəsi (QMİ) bildirib ki, gecikməyə səbəb təyyarələrin uçuşu ilə bağlı Ciddə aeroportunda yaşanan izdihamdır.
Bundan xəbərsiz olan hacıların yaxınları ziyarətdən gələnləri qarşılaya bilmək üçün Bakı hava limanına toplaşıblar.
Bununla bağlı QMİ Ciddədən Bakıya uçacaq ilk təyyarənin Bakı vaxtilə təqribən saat 19:00-da uçuşa qalxacağını nəzərə çatdırır. Daha sonra qeyd edilir ki, yarım saat fərqlə ikinci təyyarənin Bakıya uçması gözlənilir.
Oktyabrın 1-nə kimi bütün zəvvarların vətənə dönəcəyi qeyd edilir. -05D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz