Bakı/11.10.17/Turan: "Azərbaycanda məişət zorakılığı qurbanlarının 74 faizi buna birbaşa ailə üzvü tərəfindən məruz qalır". ABŞ-ın Beynəlxalq İnkişaf Agentliyinin (USAİD) məlumatında belə deyilir.
Məlumatda qeyd edilir ki, Azərbaycanda gender əsaslı zorakılıqla mübarizəyə kömək etmək məqsədilə gender əsaslı zorakılığa dair elektron məlumat bankı yaradılıb.
Məlumat bankının yaradılması USAID, BMT-nin Əhali Fondu və Ailə, Qadın və Uşaq Problemləri üzrə Dövlət Komitəsinin birgə fəaliyyəti nəticəsində mümkün olub.
"Bu məlumat bankı zorakılıqla mübarizə sahəsində səmərəli tədbirlərin layihələndirilməsi və həyata keçirilməsində hökumətə dəstək göstərərək Gender Əsaslı Zorakılıqla Mübarizə layihəsi üçün mühüm mərhələdir. Məlumatların toplanması məişət zorakılığına məruz qalmış qadınlara daha yaxşı yardım göstəməkdə polisə, hakimlərə və sosial xidmət işçilərinə köməklik edəcək", deyə USAİD-in məlumatında qeyd edilir.
Xatırladaq ki, Azərbaycanda gender zorakılığı ilə bağlı rəsmi statistik bilgilər açıqlanmır. Ötən il BMT-nin Əhali Fondu Ailə, Qadın və Uşaq Problemləri üzrə Dövlət Komitəsi ilə birgə bu sahədəki durumu araşdırmaq məqsədilə sorğu aparmışdı. Həmin sorğunun nəticələrində deyilirdi ki, Azərbaycanda 15 yaşından sonra qadınların 24 faizi müxtəlif formada zorakılığa məruz qalırlar. Zorakılığa məruz qalma hallarına ən çox Abşeron yarımadası və Lənkəranda rast gəlindiyi bildirilirdi. Xüsusilə, məcburi köçkün və qaçqınlar arasında zorakılıq hallarının daha yüksək olduğu qeyd edilir. -05D-
Cəmiyyət
-
Noyabrın 8-i Azərbaycanda Zəfər Günü kimi qeyd edilir. Azərbaycan 2020-ci ildə 44 günlük müharibə və 2023-cü ildə birgünlük hərbi əməliyyatla ərazi bütövlüyünü bərpa edib. Azərbaycan, Ermənistan və Rusiya dövlət başçıları arasında atəşkəs bəyanatı imzalansa da, dörd il keçməsinə baxmayaraq, Bakı və Yerevan hələ də sülh müqaviləsi imzalanmayıb.
-
Şənbə günü Bakıda və Abşeron yarımadasında yağış yağacağı, bəzi yerlərdə intensiv olacağı gözlənilir.
-
Azercell Cup 2024 proqramlaşdırma müsabiqəsinin qalibləri üçün beynəlxalq olimpiadalara hazırlıq dərsləri başlayıb. İnformatika üzrə biliklərinin gücləndirilməsi məqsədilə ümumtəhsil müəssisələrinin 6-cı və 7-ci sinif şagirdləri hazırlıq proqamına cəlb olunublar.
-
Lider mobil operatordan “HONOR” cihazları əldə edən abunəçilərə “SuperSən6GB” tarif paketinə iki aylıq abunəlik hədiyyə Azercell noyabr ayının 8-i Zəfər Gününə özəl kampaniyaya start verir. Kampaniya çərçivəsində "Azercell Eksklüziv" və diller mağazalarından HONOR” smartfonu və ya planşeti əldə edən müştərilərə “SuperSən6GB” tarif paketinə iki aylıq abunəlik həddiyə edilir. Qeyd edək ki, kampaniya 229 AZN-dən başlayan cihazlara şamil olunur.
Rəy yaz