Reyder hücumu yolu ilə bir neçə metallurgiya müəssisəsi əlindən alan Zülfüqarlı qardaşlarının mülkiyyət hüquqlarının kobud şəkildə pozulması faktı beynəlxalq hüquq müdafiəçilərinin böyük diqqətinə səbəb olub.
Ötən həftə Varşavada 44 hüquq müdafiə təşkilatı illik sammitdə Azərbaycan prezidenti İlham Əliyevə Zülfüqarlı qardaşlarının hüquqlarını bərpa etmək və təqsirkarları cəzalandırmaq çağırışı ilə müraciət qəbul edib.
Sammitdə iştirak edən “İnsan hüquqları naminə” QHT-nin sədri Eynulla Fətullayev qeyd edib ki, Zülfüqarlı qardaşlarının işi böyük beynəlxalq rezonansa səbəb olub və hüquq müdafiə cəmiyyəti bu işə Rusiyada Xodorovskinin işi kimi mülkiyyətin sahibindən alınması kimi faktlarla birlikdə baxır.
Əliyevə müraciətdə deyilir ki, Loğman və Nurəddin Zülfüqarlı 2005-ci ildə öz müəssisələrini – Bakıelektroştamp” və “Bakıpoladtökmə” müəssisələrini yüksək vəzifəli məmurlara verməkdən imtina etdikdən sonra saxta ittihamla həbs ediliblər. 4 ay həbsdə keçirdikdən sonra aksiyalarının 80%-ni güzəştə getmək məcburiyyətində qalıblar.
Lakin 2010-cu ildə onlardan qalan hissədən də imtina etməyi tələb ediblər. Bununla razılaşmayan qardaşlar ölkəni tərk ediblər, onların müəssisələri isə faktiki olaraq Rasim Məmmədovun rəhbərlik etdiyi Baku Steel Company tərəfindən ələ keçirilib.
Elə bu şəxs bu ilin avqustunda Zülfüqarlı qardaşlarının daha bir müəssisəsinin – “Birlik” MMC-nin zorla ələ keçirilməsinin təşəbbüskarı olub.
Fətullayev beynəlxalq hüquq müdafiə təşkilatlarının Əliyevə müraciətini “özbaşınalıq törədən Azərbaycan oliqarxlarına ilk siqnal” adlandırıb.
“Demokratik monitor” QHT-nin rəhbəri Fuad Həsənov bildirib ki, Zülfüqarlı qardaşlarının hüquqlarını müdafiə üzrə beynəlxalq hüquq müdafiə kampaniyası davam edəcək və məsələ müxtəlif beynəlxalq təşkilatlarda xüsusi dinləmələrin mövzusu ola bilər.
Zülfüqarlı qardaşlarının vəkili Aslan İsmayılov bildirib ki, Azərbaycanda bu işə artıq 7 müxtəlif məhkəmədə baxılıb. Məhkəmələr biznesmenlərin əleyhinə qərar çıxarıblar. Hazırda iş Ali Məhkəmədədir və növbəti addım Avropa İnsan Hüquqları Məhkəməsinə müraciət olacaq.
İsmayılov bildirib ki, Baku Steel Company-nin arxasında yüksək vəzifəli şəxslər durur. Xüsusən, bu SC-nin rəhbəri Rasim Məmmədov prezident administrasiyasının rəhbəri Ramiz Mehdiyevin oğlunun yaxın dostudur. -06C-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz