“Artsax”ın buraxılması haqqında fərman ləğv edilib? – Elxan Şahinoğlu Çətin sualda

Bakı/26.12.23/Turan: "Dağlıq Qarabağ Respublikası"nın buraxılması haqqında fərman artıq yoxdur. Bu barədə dekabrın 22-də "prezidentin" müşaviri Vladimir Qriqoryan "Azadlıq Radiosu"nun Ermənistan xidmətinə bildirib.

Onun sözlərinə görə, buna əsas "prezidentin" 19 oktyabr tarixli, bütün "hökumət, parlament üzvlərinin, Təhlükəsizlik Şurası katibinin, hüquq-mühafizə orqanlarının, Stepanakert merinin və inzibati rayon başçılarının ictimai əsaslarla öz vəzifələrində qalması" haqqında fərmanıdır.

Şahramanyanın fərmanında həmçinin deyilir ki, 1 oktyabr 2023-cü il tarixindən sonra "DQR"in adından verilən sənədlər etibarlıdır.

Qriqoryanın sözlərinə görə, "cənab Şahramanyanın sentyabrın 28-də imzaladığı fərmanı ləğv etdiyini hesab etmək olar. Yəni hökumət və bütün digər orqanlar 2024-cü ildən sonra öz fəaliyyətini davam etdirəcək".

"Bu, Samvel Şahramanyanın DQR-in buraxılması haqqında 28 sentyabr tarixli fərmanının ləğvi haqqında yeni fərman imzalamayacağı deməkdir?" Bu suala cavabda Qriqoryan deyib ki, DQR-in buraxılması haqqında qərar "qanunsuz" idi və o, 2024-cü ildən sonra da mövcud olacaq.

"28 sentyabr fərmanı artıq yoxdur", deyə o bildirib.

Siyasi şərhçi Elxan Şahinoğlu Kamran Mahmudovun təqdimatında yayımlanan “Çətin sual” verilişində bu barədə danışır.