Azərbaycanda daha bir partiya yarandı. Məramı nədir? – Qubad İbadoğlu "Çətin sual" qarşısında

Bakı/19.10.21/Turan: Oktyabrın 17-də Demokratiya və Rifah Partiyasının on-layn rejimində təsis qurultayı keçirilib.

88 nümayəndədən 82-i forumda iştirak edib. İştirakçılar nizamnamə və proqramı qəbul edbilər, Nəzarət-Təftiş Komissiyasının sədrini, üzvlərini seçiblər, Ali Məclisi formalaşdırıblar.

London İqtisad  və Siyasi Elmlər Məktəbində baş elmi işçi vəzifəsini tutan professor Qubad İbadoğlu partiyanın sədri seçilib.

Digər rəhbər orqanların formalaşdırılması yaxın vaxtlarda partiya Ali Məclisinin sessiyasında baş tutacaq.

Demokratiya və Rifah Hərəkatı 21 fevral 2015-ci ildə Qubad İbadoğlunun rəhbərliyilə təsis edilmişdi. Partiya eyniadlı hərəkatın əsasında yaradılıb.

Yeni partiyanın məqsədi, məramı, istiqaməti nə olacaq?

Partiyanın sədri Qubad İbadoğlu Kamran Mahmudovun təqdimatında yayımlanan “Çətin sual” verilişində bu və digər suallara cavab verir.