Aztəminatlı əhalinin mənafelərini qoruyan, yoxsa tapdalayan Tarif Şurası? – Mirvari Qəhrəmanlı“Çətin sual" qarşısında

Bakı/01.07.21/Turan: Tarif (Qiymət) Şurasının ötən günki qərarı ilə Azərbaycanda təbii qaz və elektrik qiymətlərində dəyişiklik edilib. Təbii qaz qiymətlərində əhali abunəçilərinin təxminən 51%-ni (5 milyon nəfər) əhatə edən istehlakçılar üzrə təbii qazın illik istehlak həcminin 1200 m3-dək (1200 m3 daxil) olan hissəsi üçün tarif dəyişdirilməyib və hazırkı (1 kub metr üçün 10 qəpik) səviyyədə saxlanılıb. İstehlak edilən qazın 1200 - 2500 m3 (2500 m3 daxil) olan hissəsi üçün 1 kub metr üçün 20 qəpik, 2500 m3-dən çox olan hissəsi üçün isə 25 qəpik müəyyənləşdirilib.

Elektrik qiymətləri isə qeyri-əhali kateqoriyasına aiddir.

Tarif Şurası təbii qaz qiymətlərində edilən dəyişikliyi dövlətin həyata keçirdiyi sosial yönümlü siyasət və  əhalinin aztəminatlı hissəsinin mənafelərinə uyğun olan modellə əsaslandırıb.  

Həqiqətənmi təbii qazın qiymətindəki artım əhalinin aztəminatlı hissəsinin mənafelərinə uyğundur?

Hüquq müdafiəçisi Mirvari Qəhrəmanlı Kamran Mahmudovun təqdimatında yayımlanan “Çətin sual” verilişində bu məsələyə aydınlıq gətirir.