Bəxtiyar Hacıyevə azadlıq aksiyası və Tofiq Yaqublunun həbsi – Rüfət Səfərov Çətin sual qarşısında

Bakı/26.12.22/Turan: Dekabrın 23-də Bakının mərkəzində Bəxtiyar Hacıyevin azadlığa buraxılması tələbi ilə aksiyaya cəhdləri olub. Aksiya iştirakçıları "Bəxtiyara azadlıq", "Öldürmə, azad et", "Siyasi repressiyalara son" və başqa şüarlar səsləndiriblər. Aksiya iştirkaçıları polis tərəfindən avtomobillərə mindirilərək ərazidən uzaqlaşdırılıblar.

Aksiya zamanı saxlanılan Müsavat Partiyasının və Milli Şuranın üzvü Tofiq Yaqublu Səbail Rayon Məhkəməsinin qərarı ilə inzibati qaydada 30 sutka müddətinə həbs olunub.

Həbsdə dekabrın 15-dən aclıq aksiyasına başladığını bildirən ictimai fəal Bəxtiyar Hacıyevin səhhətinin pisləşdiyi deyilir. Buna baxmayaraq B.Hacıyevib aclığı davam etdirdiyi bildirilir. Fəal koma təhlükəsi ilə üz-üzədir.

 Baş verənlər barədə Müdafiə xətti hüquq müdafiə təşkilatının həmtəsisçisi Rüfət Səfərov Kamran Mahmudovun təqdimatında yayımlanan “Çətin sual” verilişində danışır.