Brüssel görüşündən Azərbaycanın qazandığı və ya itirdiyi nə oldu? – Rauf Mirqədirov “Çətin sual" qarşısında

Bakı/16.12.21/Turan: Dekabrın 14-də Brüsseldə Avropa İttifaqı Şurasının rəhbəri Şarl Mişel, Azərbaycan prezidenti İlham Əliyev və Ermənistanın baş naziri Nikol Paşinyanın iştirakı ilə üçtərəfli görüş keçirilib. Bundan əvvəl Mişel Əliyev və Paşinyanla ikitərəfli görüşlər keçirib.Görüşün mövzusu Ermənistan-Azərbaycan münaqişəsinin həlli yolları axtarışı, İkinci Qarabağ müharibəsinin nəticələrinin aradan qaldırılması  məsələləridir.

İclasdan əvvəl İlham Əliyev Laçın və Zəngəzur dəhlizlərinin eyniliyi barədə bəyanat verib və bu da, Ermənistan tərəfinin kəskin reaksiyasına səbəb olub. Paşinyan  bunu regionda sülhün əldə edilməsi səylərinin pozulması adlandırıb.

Görüşdən sonra isə Avropa İttifaqı Şurasının prezidenti Şarl Mişel bəyanatla çıxış edib, bəyanatda münaqişənin aradan qaldırılmasında, hərtərəfli sülh sazişilə möhkəmləndirilmiş davamlı sülhün bərqərar edilməsi məqsədilə əməkdaşlıq və etimad mühitinin yaradılmasında təşkilatın Ermənistan və Azərbaycanla sıx əməkdaşlığa sadiq olduğunu hər iki liderə bildirilib.

Ümumilikdə götürsək, bu görüşü uğurlu hesab etmək olarmı?

Siyasi şərhçi Rauf Mirqədirov Kamran Mahmudovun təqdimatında yayımlanan “Çətin sual” verilişində suallara cavab verir.