![Cəmil Həsənli: �Milli Şura növbəti mitinqə hazırlaşır�](https://turan.az/resized/media/2019/main/021300016753-750-500-resize.webp)
Cəmil Həsənli: �Milli Şura növbəti mitinqə hazırlaşır�
Bakı/13.02.19/Turan: 19 yanvar mitinqinin effekti onun iştirakçılarının sayından daha böyükdür. Bunu Demokratik Qüvvələrin Milli Şurasının sədri Cəmil Həsənli Turan agentliyinin "Çətin sual" proqramına müsahibəsində bu aksiyanın ölkədəki ictimai-siyasi vəziyyətə təsirini şərh edərkən deyib.
C.Həsənli qeyd edib ki, bu son beş ildə Milli Şuranın keçirdiyi 20-ci mitinq idi və daha möhtəşəm, çoxminli idi.
"Mitinq o demək deyil ki, hamı meydanda olmalıdır. Xalqın siyasi cəhətdən fəal hissəsinin ortada olması xalqın əzminin və iradəsinin ortada olması deməkdir. Ona görə də 19 yanvar mitinqinin effekti böyük oldu. Çünki hakimiyyət başa düşdü ki, ölkəni hansı fəlakətə, hansı böhrana, hansı vəziyyətə gətirib çıxarıb.
Azərbaycan hakimiyyətində belə təsəvvürlər vardı ki, vətəndaş cəmiyyətini şumlayıb, cəmiyyəti diz çökdürüb, xalqı əzib və onun yarıtmaz antimilli, kriminal siyasətinə xalqın "yox" demək imkanı artıq aradan qaldırılıb. Mitinq hakimiyyət üçün şok effekti verdi, xalqın gücünü göstərdi", - C.Həsənli bildirib.
Üç ay küçələrdə fırlanan şəhid ailələrinə münasibətdə nələr baş verdi? Minimum əmək haqqının artırılması ilə bağlı nələr baş verdi? İndi ölkə prezidenti hətta Şamaxıda dağılan bir neçə evdə vətəndaşları ziyarət edir. Onları yoxlamağı özünə borc bilir. 19 yanvar mitinqi hakimiyyətə öz yerini göstərdi. Onun ən böyük əhəmiyyəti bundadır.
"Niyə hakimiyyət indi reaksiya verməyə başaldı?" sualının cavabında C.Həsənli deyib ki, İlham Əliyevin 15 illik hakimiyyətinin nəticələri indi ortadadır. Hakimiyyətin ifşası indiki kimi açıq şəkildə ortada olmamışdı. Bu, ilk növbədə beynəlxalq jurnalist şəbəkəsinin araşdırma mövzusuna çevrilən miqyaslı korrupsiya faktlarına aiddir.
C.Həsənlinin sözlərinə görə, hər bir hakimiyyətin faciəsi onun ironiyaya çevrildiyi gündən başlayır. Azərbaycan hakimiyyəti üçün bu, Konstitusiyanın dəyişdirilməsindən və birinci vitse-prezidentin təyinatından başladı. Bugünkü siyasi fəallıq bütün bunların nəticəsidir.
DQMŞ mitnqləri davam etdirəcək və hakimiyyət onlara icazə verməy məcbur olacaq.
"Əgər hakimiyyət razılaşmasa, deməli "Sərbəst toplaşma haqqında" qanunu, Konstitusiyanı, beynəlxalq öhdəlikləri pozmuş olacaq, C.Həsənli qeyd edib.
Onun sözlərinə görə, növbəti mitinq problemli kreditlər mövzusuna həsr olunacaq.
Milli Şuranın seçkilərdə iştirak imkanlarına toxunan C.Həsənli deyib ki, seçki qanunvericiliyi və praktika Venesiya Komissiyasının və ATƏT-in Demokratik Təsisatlar və İnsan Hüquqları Bürosunun tövsiyələrinə uyğun olaraq dəyişdirilməlidir.
"Faktiki olaraq Azərbaycanda seçki institutu işləmir. Hakimiyyət mənimsənilir. Ölkənin bu günə düşməsinin ən böyük səbəbi hakimiyyətin mənimsənilməsidir", - C.Həsənli vurğulayıb.-0-
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz