Cənubi Azərbaycan Milli Dövlətçilik Şurası. Məqsəd nədir? – Əjdər Tağızadə Çətin sualda

Bakı/26.04.23/Turan: Cənubi Azərbaycandan bir qrup ictimai-siyasi xadim İranda yaşayan azərbaycanlıların 1945-1946-cı illərdə elan etdikləri Azərbaycan Milli Hökumətinin bərpası məqsədilə yeni təşkilat təsis etmək qərarına gəlib.

Aprelin 30-da yeni yaradılan Cənubi Azərbaycan Milli Dövlətçilik Şurasının onlayn təsis toplantısı keçiriləcək. Bu barədə Cənubi Azərbaycan Milli Dövlətçilik Şurasının təşəbbüs qrupunun məlumatında deyilir.

Qrupun kooridnatoru Çingiz Göytürkdür.

Təşəbbüs qrupuna Saleh İldırım (Cənubi Azərbaycan İstiqlal Partiyasının sədri), Əhməd Obalı (“Günaz” peyk telekanalının təsisçisi), Əjdər Tağızadə (Cənubi Azərbaycan Demokratik Türk Partiyasının sədri), Sadiq İsabəyli (Cənubi Azərbaycan Milli Azadlıq Cəbhəsinin İdarə Heyətinin üzvü) və başqaları  daxildir.

Təşkilatın mənzil-qərargahı Finlandiyada yerləşəcək. 

Təşkilat müstəqil Cənubi Azərbaycan dövlətini yaratmağı qarşısına məqsəd qoyur.

Təşəbbüs qrupunun üzvü Əjdər Tağızadə Kamran Mahmudovun təqdimatında yayımlanan “Çətin sual” verilişində bu barədə danışır.