Devalvasiya gözlənilir? – Rəşad Həsənov “Çətin sual" qarşısında
Bakı/26.10.21/Turan: Son zamanlar mediada və sosial şəbəkələrdə yayılan məlumatlara görə, Azərbaycanda yanvar ayında növbəti dəfə devalvasiya baş verə bilər. Yayılan iddialara görə, dollar 2 manata qədər yüksələ bilər, müxtəlif oktanlı benzinin, hətta dizel yanacağının qiyməti də bahalaşa bilər.
Çox güman ki, Azərbaycanın əsas ticarət tərəfdaşlarından olan Türkiyədə milli valyutanın – lirənin ucuzlaşması manatın ucuzlaşma risklərini gündəmə gətirib. Dolların bir çox valyutalar üzərindəki son dominantlığını risk amili hesab etmək olar.
Bu iddialar nə dərəcədə realdır? Ölkədə devalvasiya ola bilərmi?
İqtisadçı Rəşad Həsənov Kamran Mahmudovun təqdimatında yayımlanan “Çətin sual” verilişində bu və digər suallara cavab verir.
Çətin sual
-
Gürcüstan parlamenti mayın 14-də “Xarici təsirin şəffaflığı haqqında” qanun layihəsini üçüncü oxunuşda qəbul etdi. Amma buna baxmayaraq Gürcüstanda etirazlar səngimir. Yüzlərlə etirazçı parlament binasının önünə toplaşaraq qanunun qəbuluna yox deyir.
-
Rəsmi xəbərlərə görə, Azərbaycanda illik inflyasiya 1 %-dən aşağı enib. Bu ilin yanvar-aprel aylarında istehlak qiymətləri indeksi 2023-cü ilin eyni dövrü ilə müqayisədə 100,7 %, o cümlədən qida məhsulları, içkilər və tütün məmulatları üzrə 99,3 %, qeyri-qida məhsulları üzrə 101,3 %, əhaliyə göstərilmiş ödənişli xidmətlər üzrə 102,4 % təşkil edib. Dövlət Statistika Komitəsinn yaydığı məlumatda belə göstərilir.
-
Son həftələrdə Ermənistan Azərbaycanla Ermənistan arasında sərhədin demarkasiyası və delimitasiyası prosesindən qaynaqlanan etiraz dalğasının şahidi olub. Ermənistan Avropa Partiyasının sədri Tiqran Xzmalyan "Çətin sual" proqramında bu problemləri işıqlandırıb, iğtişaşları mövcud hakimiyyətdən kütləvi narazılıq ilə izah edib.
-
Mayın 10-11-də Almatı şəhərində Azərbaycan və Ermənistanın xarici işlər nazirləri Ceyhun Bayramov və Ararat Mirzoyan arasında danışıqlar aparılıb. Şənbə günü Azərbaycan Xarici İşlər Nazirliyi bildirib ki, nazirlər delimitasiya üzrə irəliləyişi və bununla bağlı əldə edilmiş razılaşmaları alqışlayıblar. Nazirlər və onların nümayəndə heyətləri “Azərbaycan və Ermənistan arasında sülhün və dövlətlərarası münasibətlərin təsis edilməsi haqqında ikitərəfli saziş” layihəsinin müddəalarının müzakirəsini davam etdiriblər. Tərəflər hələ də fikir ayrılıqlarının mövcud olduğu açıq qalan məsələlər üzrə danışıqları davam etdirməyə razılaşıblar.
Rəy yaz