DTX-nın İran agenturası adı ilə həbsləri, Azərbaycanın İran sərhəddində hərbi təlimləri. Nə baş verir?-Ərəstun Oruclu Çətin sual qarşısında

Bakı/03.11.22/Turan: Dövlət Təhlükəsizliyi Xidmətinin yaydığı məlumatda deyilir ki, Iran xüsusi xidmət orqanının nəzarəti altında yaradılmış qanunsuz silahlı birləşmə ifşa edilib. Məlumata görə, İran xüsusi xidmət orqanları tərəfindən Azərbaycan Respublikası vətəndaşlarının gizli şəkildə ölkə hüdudlarından kənarda hərbi təlimlərə cəlb olunması, onların maliyyələşdirilməsi və fəaliyyətlərinin istiqamətləndirilməsi, Azərbaycan Respublikasının dövlət təhlükəsizliyi maraqlarına zidd olaraq istifadə edilməsi məqsədilə şantaj və digər zorakı üsullarla təsir dairəsində saxlanılması halları ilə bağlı Dövlət Təhlükəsizliyi Xidməti tərəfindən kompleks araşdırma tədbirləri həyata keçirilir.  “Müsəlman Birliyi Hərəkatı”nın adı çəkilir.  Qurumdan bildirilib ki, həyata keçirilmiş əməliyyat-axtarış tədbirləri zamanı qanunsuz silahlı birləşmələrin hərbi təlimlərində 19 nəfərin iştirakı müəyyən edilib. Müsəlman Birliyi Hərəkatının mətbuat xidmətindən Turana bildirilib ki, dövlət təhlükəsizliyi orqanları tərəfindən yayımlanan və adı Müsəlman Birliyi Hərəkatının üzvləri kimi hallanan şübhəli bilinən şəxslər Hərəkatının üzvləri deyillər.

Azərbaycan ordusunun xüsusi təyinatlı qüvvələrinin təlimləri başlayıb. Təlimlər Azərbaycanın cənub sərhədlərinə yaxın ərazilərdə keçirilir. Bu barədə Müdafiə Nazirliyi bildirib.

Siyasi şərhçi, təhlükəsizlik məsələləri üzrə ekspert Ərəstun Oruclu Kamran Mahmudovun təqdimatında yayımlanan “Çətin sual” verilişində bu barədə danışır.