Elçin Sadıqov və Əvəz Zeynallı niyə həbs olundu? – Zibeydə Sadıqova Çətin sual qarşısında

Bakı/13.09.22/Turan: Bir neçə gün əvvəl "haqqin.az" portalının baş redaktoru Eynulla Fətullayev sosial media hesabında iddia edib ki, Ə.Zeynallı sentyabrın 3-də hədə-qorxuyla həbsdə olan biznesmen Rasim Məmmədovun ailəsindən 20 min manat pul tələb edib.

Əvəz Zeynallı "yutub" kanalında bu iddiaları rədd edib və bunların böhtan olduğunu bildirib. İttihamda adı keçən vəkil Elçin Sadıqov da "Haqqin.az" saytının yazdıqlarını qara-piar adlandırıb. Vəkilin sözlərinə görə, Əvəz Zeynallının biznesmenin yaxınlarından pul alması barədə deyilənlər yalandır. O, bunun sadəcə azad sözə hücum olduğunu vurğulayıb.

Şənbə günü gecə isə Bakının Binəqədi Rayon Məhkəməsi jurnalist Əvəz Zeynallı barəsində 4 ay müddətinə həbs qətimkan tədbiri seçib. Vəkil Elçin Sadıqov da eyni müddətə həbs edilib. Bundan əvvəl isə vəkilin və jurnalistin evlərində və ofislərində axtarışlar aparılıb.

Baş verənlərlə bağlı Elçin Sadıqovun həyat yoldaşı, vəkil Zibeydə Sadıqova Kamran Mahmudovun təqdimatında yayımlanan “Çətin sual” verilişində danışır.  

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency