Ermənilər Laçını boşaldır. Hansı təxribatlar ola bilər? – Elxan Şahinoğlu “Çətin sual” qarşısında

Bakı/09.08.22/Turan: AzadlıqRadiosunun erməni redaksiyası boşaldılması nəzərdə tutulan Zabux kəndindən reportaj hazırlayıb.  Reportajdan da görünür ki, ermənilər Laçından, eləcə də Laçın dəhlizi boyunca yerləşən yaşayış məntəqələrindən çıxmağa başlayıblar.  Reportajda danışan  ermənilər Qarabağdakı qondarma rejimə və onun rəhbəri Araik Arutyunyana qarşı narazılıq edirlər. Onlar talelərinin necə olacağına dair cavab almaq istəyirlər.

Azərbaycan 10 noyabr bəyanatının 6-cı bəndində tələb kimi qoyulan Laçın dəhlizinə alternativ yeni yolun özünə aid hissəsinin çəkilişini tamamlayıb. Ermənistan isə  vaxtı uzatmağa çalışırdı.  Rəsmi Bakı Laçın dəhlizini (Laçın şəhəri, Zabux və Sus kəndləri) avqustun 25-dək boşaltmaq üçün Yerevana son möhlət verib.

Avqustun 5-də separatçı rejimin qondarma “ərazi idarəetmə və infrastruktur naziri” Hayk Xanumyan ordakı sakinlərlə görüşüb və vəd edib ki, əgər kənddən çıxarkən evlərini yandırmasalar və əmlaklarına ziyan vurmasalar, onlara mənzil almaq üçün sertifikatlar veriləcək.

Bəs bu ərəfədə Laçında, eləcə də Qarabağda hansı təxribatlar baş verə bilər?

Siyasi şərhçi Elxan Şahinoğlu Kamran Mahmudovun təqdimatında yayımlanan “Çətin sual” verilişində bu barədə, eləcə də Qarabağda baş verən proseslər barədə danışır. 

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency