![Ermənistan-ABŞ təlimləri, Putinin narazılığı və Qarabağda davam edən gərginlik – Zərdüşt Əlizadə saat 16:00-da Çətin sualda](https://turan.az/resized/media/2023/main/091300043047-750-500-resize.webp)
Ermənistan-ABŞ təlimləri, Putinin narazılığı və Qarabağda davam edən gərginlik – Zərdüşt Əlizadə saat 16:00-da Çətin sualda
Bakı/13.09.23/Turan: Sentyabrın 11-də Ermənistan və ABŞ rəsmi Moskvanı qəzəbləndirən hərbi təlimlərə başlayıb. Təlimlərə 85 Amerika, 175 erməni hərbçisinin qatıldığı bildirilir.
Vladivostokda keçirilən Şərq İqtisadi Forumun plenar iclasında Rusiya prezidenti Vladimir Putin deyib ki, Ermənistan rəhbərliyi mahiyyətcə Azərbaycanın Qarabağ üzərində suverenliyini tanıyıb.
“Praqa bəyanatında bu, sadəcə, kağız üzərində əksini tapıb. İndi prezident Əliyev mənə deyir: “Axı siz bilirsiniz ki, Ermənistan Qarabağın bizim olduğunu tanıyıb, Qarabağın statusu məsələsi artıq gündəmdə yoxdur, o həll olunub”.”
"Biz nə deyə bilərik? Burada deyiləcək bir şey də yoxdur. Əgər Ermənistan özü Qarabağı Azərbaycanın bir hissəsi kimi tanıyırsa, Qarabağın statusunu Ermənistan özü müəyyənləşdirib", - Putin bildirib.
Ağdam- Xankəndi yolu ilə humanitar yük Qarabağa yola salındı. Eyni zamanda, Azərbaycan Qızıl Aypara Cəmiyyətinin Xankəndiyə göndərdiyi 40 ton un avqustun 29-dan Ağdam-Xankəndi yolundadır, separatçılar ondan imtina edirlər.
Bütün bunlar barədə siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində danışır.
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz