Gürcüstanda “rus qanunu”na etirazlar nə ilə nəticələnəcək? – Natiq Cəfərli saat 18:00-da Çətin sualda
Gürcüstanda Tbilisinin mərkəzində, parlament binası qarşısında xarici agentlər haqqında qanuna qarşı irimiqyaslı etiraz aksiyaları davam edir.
“Xarici təsirin şəffaflığı haqqında” qanun layihəsi parlamentdə birinci oxunuşda qəbul olunub
Gürcüstan parlamentinin saytında dərc edilən məlumata görə, mayın 17-də “Rus qanunu” ilə bağlı üçüncü və yekun dinləmələr olacaq.
Qanun layihəsi onun qəbuluna qarşı olduqlarını bildirən Avropa ölkələri və ABŞ ilə münasibətləri gərginləşdirib. Əksər beynəlxalq təşkilatlar, o cümlədən Avropa İttifaqının, Avropa Şurasının, BMT-nin yüksək vəzifəli rəsmiləri, həmçinin ABŞ Dövlət Departamentinin nümayəndələri, Qərb dövlətlərinin liderləri və beynəlxalq siyasətçilər bu qanunu qəbul etməməyə çağırıb. Gürcüstan rəhbərliyini dəstəkləyən yeganə ölkə Rusiyadır.
Bütün bunlara baxmayaraq, Gürcüstan hökuməti geri çəkilməyəcəyini və qanunu qəbul edəcəyini bildirir.
Gürcüstan Prezidenti Salome Zurabişvili “Xarici təsirin şəffaflığı haqqında” qanuna veto qoyacağını açıqlayıb.Bu barədə Prezident Gürcüstanda akkreditasiya olunmuş diplomatik korpusun təmsilçiləri ilə görüşdə bildirib.
“Xarici təsirin şəffaflığı haqqında” qanun layihəsi xaricdən vəsait qəbul edən təşkilatların xarici agent kimi qeydiyyatdan keçməsini tələb edir. Qeydiyyatdan keçməyənlərin cərimələnməsi nəzərdə tutulur.
Gürcü tənqidçiləri bu qanun layihəsini Kremlin Rusiyada müxalif fikirlərə təzyiq etmək üçün istifadə etdiyi oxşar qanunla müqayisə edərək, “Rusiya qanunu” adlandırıblar.
Əslən Gürcüstandan olan siyasətçi, REAL partiyasının icra katibi Natiq Cəfərli Kamran Mahmudovun təqdimatında yayımlanan “Çətin sual” verilişində bu barədə danışır.
Çətin sual
-
Rəsmi xəbərlərə görə, Azərbaycanda illik inflyasiya 1 %-dən aşağı enib. Bu ilin yanvar-aprel aylarında istehlak qiymətləri indeksi 2023-cü ilin eyni dövrü ilə müqayisədə 100,7 %, o cümlədən qida məhsulları, içkilər və tütün məmulatları üzrə 99,3 %, qeyri-qida məhsulları üzrə 101,3 %, əhaliyə göstərilmiş ödənişli xidmətlər üzrə 102,4 % təşkil edib. Dövlət Statistika Komitəsinn yaydığı məlumatda belə göstərilir.
-
Son həftələrdə Ermənistan Azərbaycanla Ermənistan arasında sərhədin demarkasiyası və delimitasiyası prosesindən qaynaqlanan etiraz dalğasının şahidi olub. Ermənistan Avropa Partiyasının sədri Tiqran Xzmalyan "Çətin sual" proqramında bu problemləri işıqlandırıb, iğtişaşları mövcud hakimiyyətdən kütləvi narazılıq ilə izah edib.
-
Mayın 10-11-də Almatı şəhərində Azərbaycan və Ermənistanın xarici işlər nazirləri Ceyhun Bayramov və Ararat Mirzoyan arasında danışıqlar aparılıb. Şənbə günü Azərbaycan Xarici İşlər Nazirliyi bildirib ki, nazirlər delimitasiya üzrə irəliləyişi və bununla bağlı əldə edilmiş razılaşmaları alqışlayıblar. Nazirlər və onların nümayəndə heyətləri “Azərbaycan və Ermənistan arasında sülhün və dövlətlərarası münasibətlərin təsis edilməsi haqqında ikitərəfli saziş” layihəsinin müddəalarının müzakirəsini davam etdiriblər. Tərəflər hələ də fikir ayrılıqlarının mövcud olduğu açıq qalan məsələlər üzrə danışıqları davam etdirməyə razılaşıblar.
-
Müsavat Partiyasının mayın 4-də keçirilmiş XI qurultayında 10 ildən sonra İsa Qəmbər yenidən partiyanın başqanı seçildi. İsa Qəmbər Kamran Mahmudovun təqdimatında yayımlanan “Çətin sual” verilişində budəfəki başqanlıq dönəmində partiyanın gələcək planları haqda danışır.
Rəy yaz