Bakı/01.12.21/Turan: Azərbaycan sərhəd qoşunlarına məxsus vertolyotun qəzaya uğramasından bir gün keçsə də, qəzanın səbəbləri məlum deyil. Qəza nəticəsində 14 nəfər həlak olub, 2 nəfər yaralanıb. Prokurorluğun məlumatına görə, “qara qutu” tapılıb və istintaq onun məlumatlarının öyrənilməsinə başlayıb. Öz növbəsində Sərhəd Xidmətinin rəhbəri Elçin Quliyev brifinqdə bildirib ki, vertolyot saz vəziyyətdə olub, onun pilotu isə ən yaxşı pilotlardan biri olub. Quliyevin sözlərinə görə, vertolyot eniş zamanı qəzaya uğrayıb. Quliyev hər hansı xarici təsiri istisna edib.
Amma sosial mediada bu hadisənin təxribat olması ilə bağlı xeyli şübhələr var.
Baş verən faciə qəzadır, yoxsa təxribat?
Təhlükəsizlik məsələləri üzrə ekspert İlham İsmayıl Kamran Mahmudovun təqdimatında yayımlanan “Çətin sual” verilişində bu və digər suallara cavab verəcək.
Çətin sual
-
7 yanvar tarixində yayımlanan müsahibəsində Azərbaycan Prezidenti İlham Əliyev Qərbi, xüsusilə ABŞ, Fransa və Avropa İttifaqını kəskin tənqid edib. Bu tənqidlərin konkret kimlərə ünvanlandığı və geniş mənası haqqında siyasi analitik və Mərkəzi Asiya üzrə ekspert Arkadi Dubnov “Çətin sual” proqramında danışıb.
-
Azərbaycan qış mövsümünə qədəm qoyarkən, tənəffüs yolları xəstəliklərinin yayılması ilə bağlı narahatlıqlar artır. Xüsusilə insan metapnevmovirusu (HMPV) bu spekulyasiyaların mərkəzindədir. İlk dəfə Çində aşkarlanan və 2024-cü ilin sonlarında Qazaxıstan və Rusiyada qeydə alınan HMPV hazırda Azərbaycanda diqqət mərkəzindədir. Səhiyyə Nazirliyi virusla bağlı məlumatlandırma kampaniyalarını təsdiqləsə də, onun ölkədə yayılma dərəcəsi və şiddəti barədə suallar qalmaqdadır.
-
Yanvarın 7-də dövlət başçısı İlham Əliyev yerli telekanallara müsahibə verib. Müsahibə zamanı Prezident bir çox məsələlərlə bağlı suallara aydınlıq gətirib.
-
İşıq, qaz, su qiymətlərinin qaldırılmasından sonra sosial mediada bəzi tariflərin artırılacağı barədə söhbətlər gəzir. İqtisadçı, REAL Partiyasının sədri Natiq Cəfərli Kamran Mahmudovun təqdimatında yayımlanan “Çətin sual” verilişində bu və gündəmdə olan digər mövzular barədə danışır.
Rəy yaz