İran Azərbaycanla sərhəddə hərbi təlim keçirməklə hansı mesajı verir? Sədrəddin Soltan Çətin sual qarşısında

Bakı/18.10.22/Turan: İran İslam İnqilabı Keşikçiləri Korpusunun quru qüvvələrinin təlimi bazar ertəsi səhər Araz çayı ərazisində Şərqi Azərbaycan və Ərdəbil əyalətlərində başlayıb.İslam İnqilabı Keşikçiləri Korpusu quru qoşunlarının komandanı Məhəmməd Pakpur bildirib ki, təlimlərdə paraşüt-helikopter, gecə hücumu, helikopter döyüş,  və pilotsuz təyyarə əməliyyatları, həmçinin Araz çayı üzərində ponton körpünün tikintisi, rabitə xətlərinin tutulması və idarə edilməsi, yüksəkliklərin tutulması və məhv edilməsi nəzərdə tutulur.

 “İran İnqilabı Keşikçiləri Korpusu Quru Qoşunları Aşura Qərargahı hərbi manevrə qatılacaq”, - deyə o bildirib.

Azərbaycanın müstəqilliyinin bərpası günündən bir gün əvvəl sərhəddə genişmiqyaslı hərbi təlimlərə başlayan İran bununla hansı mesajları verir? Bu təlimlər Azərbaycana əzələ nümayişidirmi? Xeyli vaxtdır etiraz aksiyaları ilə çalxalanan İran niyə hədəf olaraq Azərbaycana yönəlib?

Siyasi şərhçi Sədrəddin Soltan Kamran Mahmudovun təqdimatında yayımlanan “Çətin sual” verilişində bu barədə danışır.