Məmurlar prezidentin qulu olmalıdır, yoxsa xalqın? – Zaur Əkbər

Bakı/30.11.21/Turan: Prezident İlham Əliyevin ötən günki sərəncamları ilə İntiqam Babayev və İsmayıl İsmayılov Gənclər və İdman nazirinin müavini vəzifəsindən azad ediliblər. İsmayıl İsmayılov yerli mediaya açıqlamasında bildirib ki, sərəncam onun üçün gözlənilməz olub:

“Buna baxmayaraq, mən ömrümün sonunadək Prezidentimizin quluyam. Ölkə başçısının yolunda hər şeyə hazıram.” Sabiq nazir müavininin söylədiyi bu fikirlər sosial mediada müzakirələrə səbəb olub.

Prezidentinin digər sərəncamları ilə İndira Hacıyeva və Mariana Vasileva gənclər və idman nazirinin müavini vəzifələrinə təyin ediliblər. Bolqarıstanda doğulan və 2009-cu ildən Azərbaycanda yaşayan Marina Vasilevanın nazir müavini təyin olunması da ictimaiyyət tərəfindən birmənalı qarşılanmayıb.

Gündəmdə olan bu və digər məsələlər barədə suallara ictimai-siyasi fəal Zaur Əkbər Kamran Mahmudovun təqdimatında yayımlanan “Çətin sual” verilişində cavab verir.