Metanfetamin (şüşə, patı) ticarətinin arxasında kim və ya hansı məqsəd dayanır? – Aslan Ismayılov “Çətin sual" qarşısında

Bakı/07.07.21/Turan: Son vaxtlar cəmiyyətdə, sosial şəbəkələrdə gənclərin Metanfetamin (şüşə, patı) deyilən süni narkotikaya meyllənməsi ilə bağlı ciddi narahatlıq hökm sürür. Hətta bəzi sosial şəbəkələrdə adı çəkilən süni narkotikin satışı ilə məşğul olan səhifələrin mövcudluğu da vəziyyətin ürəkaçan olmadığını deməyə əsas verir. Bu kimi məlumatlar və narahatlıqların qarşısını almaq üçün Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən  narkotik vasitə və psixotrop maddələrin qanunsuz dövriyyəsi, sosial şəbəkələrdə onlayn yolla satışı ilə məşğul olan şəxslərin aşkar edilərək məsuliyyətə cəlb edilmələri istiqamətində əməliyyatlar həyata keçirilməyə başladı. Elə ötən gün qurum tərəfindən yayılan məlumatda deyilir ki, bu işlərlə məşğul olan 9 nəfər saxlanılıb.

Sosial şəbəkələrdə adı çəkilən narkotik vasitənin əvvəllər İrandan idxal edildiyi bildirilirdi. Daha sonra isə həmin məhsulun artıq Azərbaycanda hazırlandığı  və bu səbəbdən qiymətinin əlçatan olması ilə bağlı fikirlər də mövcuddur.

Narkotik ticarətinin arxasında kimlər və hansı məqsədlər dayanır?

Hüquqşünas Aslan İsmayılov Kamran Mahmudovun təqdimatında yayımlanan “Çətin sual” verilişində bu suala cavab verdi.