Naxçıvan gündəmi: Vasif Talıbovun mülkləri, Bənənyar hadisələri, etirazlar... – Yaşar Bağırsoy Çətin sual qarşısında

Bakı/06.01.23/Turan: Naxçıvan Muxtar Respublikasında baş verənlər medianın gündəmindən düşmür.

Ötən gün “Cahan” Ticarət Mərkəzində işləyən onlarla satıcı  Naxçıvanın Ali Məclisinin binası qarşısında etiraz aksiyası keçiriblər. Onlar “Cahan” Ticarət Mərkəzinin də sahibi olan Vasif Talıbov klanının özbaşınalığından və hökmranlığından şikayətləniblər.

Naxçıvan Ali Məclisinin sabiq sədri Vasif Talıbova məxsus “Gəmiqaya Holdinq”in adı dəyişdirilib. Artıq şirkət bu gündən “Arkoz Holdinq” adını daşıyacaq. Faktı şirkətdən təsdiqləyiblər.Eyni zamanda, “Gəmiqaya Holdinq”in Vasif Talıbovdan alındığına dair məlumatlar da var. Belə ki, hazırda şirkətdə sənədləşmə işlərinin aparıldığı və bu gün şirkətə Bakıdan rəhbər təyin ediləcəyi bildirilir.

Bu arada medianın yazdığına görə, Vasif Talıbovun ölkəni qarışdıran Bənəniyar hadisələrində rolu araşdırıla bilər. 2009-cu ildə iki nəfərin ölümü ilə nəticələnən Culfa rayonunun Bənənyar kəndində baş verənlərdən ötən gün 14 il ötdü.

Bütün bu məsələlərlə bağlı Azərbaycan Xalq Cəbhəsi Partiyasının Naxçıvan təşkilatının sədri Yaşar Bağırsoy Kamran Mahmudovun təqdimatında yayımlanan “Çətin sual” verilişində danışır.