Naxçıvanda nə baş verir? – Elman Abbasov saat 16:00-da Çətin sual qarşısında
Bakı/29.11.22/Turan: Naxçıvan Muxtar Respublikasının Maliyyə naziri Rafael Əliyev Dövlət Təhlükəsizliyi Xidmətinin Naxçıvan Gömrük Komitəsində həyata keçirdiyi əməliyyatların və Cinayət Məcəlləsinin 179.4-cü maddəsi (xüsusilə külli miqdarda ziyan vurmaqla mənimsəmə və ya israf etmə) ilə başlanmış işin gedişi üzrə həbs edilib.
Belə ki, bir neçə gün əvvəl DTX Naxçıvan MR Gömrük Komitəsində əməliyyat tədbirləri keçirib, müxtəlif rəhbər vəzifəli şəxsləri məsuliyyətə cəlb edilərək həbs edilib.
Aparılan cinayət işi üzrə Naxçıvan MR Gömrük Komitəsinin Gömrük tariflərinin tənzimlənməsi və ödənişlər şöbəsinin rəisi Əsgərov Mənsur Turan oğlu da həbs edilib. Həmin vəzifəni isə 2020-ci ilin avqust ayınadək Rafael Əliyev tutub.
Noyabrın 26-da hakim Ülviyyə Şükürovanın sədrliyilə Bakının Səbail Rayon Məhkəməsi Naxçıvan Muxtar Respublikasının maliyyə naziri Rəfael Əliyev 4 aylıq istintaq müddətinə həbs edib. Rafael Əliyev vəzifə səlahiyyətlərindən sui-istifadə və 144 milyon manat dövlət vəsaitini mənimsəməkdə ittiham olunur. Noyabrın 24-də Bakının Səbail Rayon Məhkəməsi 4 ay müddətinə həbs qəti imkan tədbiri seçdiyi Naxçıvan Gömrük Komitəsinin şöbə rəisi Mənsur Əsgərov isə 132 milyon manatı mənimsəməkdə ittiham olunub.
Ümumiyyətlə, son günlər Naxçıvanda baş verənlər ölkə mediasının müzakirə mövzusudur.
Ümid partiyasının sədr müavini, jurnalist Elman Abbasov Kamran Mahmudovun təqdimatında yayımlanan “Çətin sual” verilişində bu barədə danışır.
Çətin sual
-
2023-cü ilin noyabrından bu yana media və vətəndaş cəmiyyətinə qarşı cinayət işləri çərçivəsində 20-yə yaxın jurnalist və vətəndaş cəmiyyəti fəalı həbs olunub. Onların arasında korrupsiya araşdırmalarıyla tanınan “AbzasMedia” saytının rəhbəri Ülvi Həsənli, baş redaktoru Sevinc Vaqifqızı (Abbasova), jurnalistlər Hafiz Babalı, Elnarə Qasımova, Nərgiz Absalamova, “Toplum TV” internet televiziyasının təsisçisi, media hüququ üzrə ekspert Ələsgər Məmmədli, kanalın video redaktoru Müşfiq Cabbar, “Kanal 13” internet televiziyasının rəhbəri Əziz Orucov və kanalın əməkdaşı Şamo Eminov, “Meclis.info” saytının rəhbəri İmran Əliyev və başqaları var.
-
Azərbaycanda son zamanlar Qərbə qarşı kəskin tənqid ritorikasının azalması müşahidə olunur. Qarşı tərəfdən də müsbət siqnallar gəlir.
-
Seçkilərin Monitorinqi və Demokratiyanın Tədrisi (SMDT) Mərkəzinin rəhbəri Anar Məmmədliyə qarşı Azərbaycan CM-in 206.3.2-ci (qaçaqmalçılıq, əvvəlcədən əlbir olan bir qrup şəxs tərəfindən törədildikdə) maddəsi ilə ittiham irəli sürülüb.
-
Gürcüstanda Tbilisinin mərkəzində, parlament binası qarşısında xarici agentlər haqqında qanuna qarşı irimiqyaslı etiraz aksiyaları davam edir.
Rəy yaz