Açiq mənbələrdən foto.
Fəallar partiyalar haqqında qanun layihəsini ekspertiza üçün Venesiya Komissiyasına göndərməyə çağırıblar
Bakı/29.11.22/Turan: Bir qrup vətəndaş cəmiyyəti fəalı bəyanat yayaraq, Milli Məclisi "Siyasi Partiyalar haqqında" yeni qanun layihəsini gündəlikdən çıxarmağa çağırıblar.
Sənəddə qeyd edilir ki, qanun layihəsi birləşmək azadlığı da daxil olmaqla, əsas hüquqları məhdudlaşdırır.
"Biz belə bir mürtəce layihənin qəbul edilməsini Azərbaycan Respublikası vətəndaşlarının azad siyasi iradəsinin boğulmasına yönəlik növbəti siyasi akt sayırıq", deyə bəyanatda qeyd edilir.
"Siyasi Partiyalar haqqında" qanun layihəsi Azərbaycanın üzv olduğu Avropa Şurasının təməl prinsipləri, o cümlədən Avropa İnsan Hüquqları Konvensiyasının 11-ci maddəsinin tələblərinə cavab vermir.
Fəallar Azərbaycan hakimiyyətinin qanun layihəsinin Avropa standartlarına uyğunluğunu müəyyən etmək üçün Avropa Şurası Qanunçuluq üzrə Demokratiya (Venesiya) Komissiyasının rəyini almaqdan imtina etməsini "demokratiyadan imtina" kimi qiymətləndirirlər.
Eyni zamanda, Avropa Şurasının Baş Katibi, Parlament Assambleyası və digər strukturların mövcud layihə üzrə qanunun qəbulundan öncə Venesiya Komossiyasının rəy verməsi üçün səlahiyyətlərini işə salması zərurəti vurğulanır.
Sənədi Akif Qurbanov, Aqil Layıc, Anar Məmmədli, Azər Qasımlı, Bəxtiyar Hacıyev, Bəşir Süleymanlı, Ələsgər Məmmədli, Rüfət Səfərov, Şəhla Hümbətova, Yalçın İmanov, Zibeydə Sadıqova və digərləri imzalayıblar. 06B
-
- Siyasət
- 29 Noyabr 2022 17:46
-
- Çətin sual
- 29 Noyabr 2022 18:46
Siyasət
-
Rusiya sülhməramlılarının hərbi texnikalarının növbəti partiyası bu gün Azərbaycandan çıxarılıb. Onlarla zirehli maşın Goran dəmiryolu stansiyasında (Goranboy rayon mərkəzi yaxınlığında) yüklənib və Rusiyaya aparılıb.
-
Azərbaycan prezidentinin köməkçisi Hikmət Hacıyev mayın 17-də Ağ Evdə ABŞ prezidentinin milli təhlükəsizlik üzrə müşaviri Ceyk Sallivanla görüşüb.
-
13 saylı cəzaçəkmə müəssisəsində həbs cəzası çəkən Azərbaycan Beynəlxalq Bankının (ABB) keçmiş sədri Cahangir Hacıyevin səhhəti pisləşib. Lakin ona ixtisaslaşmış tibbi yardım göstərilmir, bu barədə Turan-a mayın 17-də Hacıyevlə görüşən vəkil Fəxrəddin Mehdiyev bildirib.
-
Almaniya Parlamentinin”İşıqfor” Koalisiyasının üzvləri, insan haqları siyasətçiləri Renata Alt (FDP), Boris Miyatoviç (Yaşıllar) və Frank Şvabe (SDP) Azərbaycanda Qubad İbadoğlunun və digər siyasi məhbusların azad edilməsinə dair açıqlama yayıblar.
Rəy yaz