Nədən qurtulduq? Nədən qurtula bilmədik? – Aslan İsmayılov “Çətin sual” qarşısında

Bakı/15.06.22/Turan: 15 iyun Azərbaycanda rəsmi olaraq, Milli Qurtuluş Günü qeyd olunur.  Rusiyanın təcavüzkar dairələrinə arxalanan Azərbaycandakı qüvvələr 1993-cü ilin iyununda dövlət çevrilişinə cəhd etdilər. Qiyamçıların əsas məqsədi Xalq Cəbhəsinin qərbyönümlü demokratik hakimiyyətini devirmək və Azərbaycanı Moskvanın təsir dairəsinə qaytarmaq idi. Vətəndaş müharibəsindən qaçmaq və dövləti dağılmaqdan xilas etmək üçün ölkə prezidenti Əbülfəz Elçibəy və Naxçıvan Ali Məclsinin sədri Heydər Əliyev qiyamçı qüvvələrin və onların himayədarlarının planlarını pozmaq üçün birgə fəaliyyətlərini razılaşdırırlar.

15 iyun 1993-cü ildə Heydər Əliyev parlamentin spikeri seçilir. İyunun 17-dən 18-nə keçən gecə Əbülfəz Elçibəy Naxçıvanda doğma Kələki kəndinə qayıdır, Heydər Əliyev isə Azərbaycan prezidenti səlahiyyətlərini icra edən şəxs olur. Sonrakı dövrdə MDB-yə daxil olmaq və "Azəri-Çıraq-Günəşli" neft sazişi üzrə Rusiyanın Lukoyl şirkətinə 10% pay verməklə, hakimiyyət situasiyasın sabitləşdirməyə müvəffəq oldu.

Heydər Əliyevin hakimiyyətə gəlişi sonralar Milli Qurtuluş günü kimi qeyd olunmağa başladı.

Sizcə, Heydər Əliyevin hakimiyyətə gəlişi ilə Azərbaycan nələrdən qurtula bildi? Nələrdən hələ qurtula bilməyib?

Hüquqşünas Aslan İsmayılov Kamran Mahmudovun təqdimatında yayımlanan “Çətin sual” verilişində bu və digər suallara cavab verir.

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.fb.com/turanagency