Noyabrda imzalanacağı deyilən sülh sazişinə Ermənistan hazırdırmı? – Rauf Mirqədirov “Çətin sual" qarşısında

Bakı/25.10.21/Turan:  Oktyabrın 22-də erməni mətbuatı Ermənistan və Azərbaycan liderlərinin noyabrın 9 -da Moskvada iki sənəd imzalayacaqları barədə məlumat yaydı. Yayılan məlumatlara görə, Birinci sənəd Ermənistanla Azərbaycan arasında dövlət sərhədinin delimitasiyası və demarkasiyasına aiddir. Beləliklə, İrəvan və Bakı SSRİ Müdafiə Nazirliyi Baş Qərargahının xəritələrinə əsaslanaraq bir -birlərinin sərhədlərini və ərazi bütövlüyünü tanıyacaq. İkinci sənəd Azərbaycanla Naxçıvan arasındakı yol dəhlizləri də daxil olmaqla, bölgədəki kommunikasiyaların açılmasına aiddir.

Daha sonra RİA Novosti məlumatlı mənbələrə istinadla məlumat yaydı ki, Rusiya, Ermənistan və Azərbaycan liderləri Vladimir Putin, Nikol Paşinyan və İlham Əliyevin üçtərəfli görüşü noyabrın ilk ongünlüyündə Moskvada keçirilə bilər və danışıqların yekunlarına görə üçtərəfli bəyanat imzalanacağı gözlənilir.

"Bəli, belə bir görüşün keçiriləcəyi gözlənilir. Təxminən 8-9 noyabr tarixlərində, Moskvada", deyə agentliyin mənbəyi bildirib.

Mənbənin sözlərinə görə, görüşdə üçtərəfli bəyanatların imzalanacağı gözlənilir.

Bəs Ermənistan buna hazırdırmı?

Siyasi şərhçi Rauf Mirqədirov Kamran Mahmudovun təqdimatında yayımlanan “Çətin sual” verilişində bu və digər suallara cavab verir.