Özbəkistanı kim qarışdırır? – Zərdüşt Əlizadə “Çətin sual” qarşısında

Bakı/04.07.22/Turan: Özbəkistanın yeni Konstitusiya layihəsindən Qaraqalpaqıstanın suveren olmasına dair maddə çıxarılması şənbə günündən başlayaraq  muxtar respublikanın mərkəzi şəhəri Nukusda etirazlara səbəb olub. Nukusdan əlavə, etiraz aksiyaları muxtar respublikanın Çimbay və Muynak şəhərlərinə də sıçrayıb.

Özbəkistan hökuməti Konstitusiyanın yeni redaksiyasının layihəsini iyunun 26-da açıqlanmışdı.

Etirazlar yeni layihədə Qaraqalpaqıstanla bağlı “suveren” sözünün ixtisar edilməsinədir. Həmçinin yeni əsas qanuna görə, Qərbi Özbəkistanın böyük bir hissəsi olan Qaraqalpaqıstan ayrılma ilə bağlı referendum keçirmək konstitusiya hüququndan məhrum ediləcək.

Özbəkistandakı 1 iyul aksiyası “dövlət orqanlarını ələ keçirməyə cəhd” kimi qiymətləndirilib. Özbəkistan Prezidenti Şavkat Mirziyoyev iyulun 3-dən avqustun 2-dək Qaraqalpaqıstanda fövqəladə vəziyyət elan edib. Özbəkistanın Qaraqalpaqıstan Muxtar Respublikasının parlamenti iğtişaşların təşkilatçılarının xaricdən idarə olunan cinayətkarlar olduğunu bildirən bəyanat yayıb.

Baş verənləri siyasi şərhçi Zərdüşt Əlizadə Kamran Mahmudovun təqdimatında yayımlanan “Çətin sual” verilişində şərh edir.

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency