Qarabağda antiterror əməliyyatları davam edəcəkmi?

Bakı/04.08.22/Turan: Qarabağda ötən gün baş verən döyüşlərlə bağlı Müdafiə Nazirliyinin bəyanatına görə Azərbaycan ərazisindəki qeyri-qanuni erməni silahlı dəstələrinin üzvlərinin avqustun 3-də Azərbaycan Ordusunun bölmələrinə qarşı törətdikləri terror-təxribat əməli nəticəsində hərbi qulluqçu əsgər Kazımov Anar Rüstəm oğlu şəhid olub. Anar Kazımov bu gün Şəmkir rayonunda dəfn olunub.

Azərbaycan Ordusu bölmələrinin keçirdiyi “Qisas” cavab əməliyyatı nəticəsində Qırxqız yüksəkliyi, həmçinin Kiçik Qafqaz dağ silsiləsinin Qarabağ silsiləsi boyu Sarıbaba və bir sıra digər əhəmiyyətli hakim yüksəkliklər nəzarətə götürüb. Əməliyyat çərçivəsində qeyri-qanuni erməni silahlılarının bir neçə döyüş mövqeyi dağıdılıb, keçmiş Ağdərə rayonunun Yuxarı Oratağ yaşayış məntəqəsindəki hərbi hissəyə havadan zərbə endirilib. Nəticədə, qanunsuz erməni silahlılarının canlı qüvvəsi məhv edilib və yaralanıb, həmçinin bir neçə D-30 haubitsası, hərbi nəqliyyat vasitələri və çoxlu sayda döyüş sursatları məhv edilib.

Bu kimi antiterror əməliyyatları davam edəcəkmi?

Hərbi ekspert Tərlan Eyvazov Kamran Mahmudovun təqdimatında yayımlanan “Çətin sual” verilişində bu barədə suallara cavab verir. 

Youtube səhifəsinin ünvanı:

https://www.youtube.com/c/TuranAgentliyi

Facebook səhifəsinin ünvanı:

https://www.facebook.com/turanagency